Лінкі ўнівэрсальнага доступу

Стан Валянціны Быкавай стабільна цяжкі, сёньня кансыліюм


Валянціна Быкава, архіўнае фота

Валянціна Быкава, архіўнае фота

Сястра народнага пісьменьніка Беларусі Васіля Быкава Валянціна Быкава працягвае лячэньне ва Ўшацкім раённым шпіталі.

Мэтазгоднасьць яе знаходжаньня ў аддзяленьні рэанімацыі тлумачыцца найперш узростам. Валянціна Быкава пры памяці, але ў яе зламаная рука і некалькі рабрынаў. Мэдыкі ацэньваюць яе стан як стабільна цяжкі, ціск у норме.

Ушацкі раённы шпіталь

Ушацкі раённы шпіталь

У рэанімацыю наведнікаў не пускаюць. Галоўны ўрач шпіталя Сяргей Маісееў сказаў, што «лекары робяць усё магчымае, усе неабходныя мэдыкамэнты ў наяўнасьці, ніякай дапамогі не патрабуецца».

«Ніякіх прагнозаў мы ня робім. Найперш празь яе ўзрост. Адна справа, калі пералом у дзіцяці, а іншая — калі ў 90-гадовага чалавека», — сказаў Сяргей Маісееў.

Сёньня, 30 траўня, павінен адбыцца кансыліюм са спэцыялістамі зь Віцебскага мэдунівэрсытэту наконт ходу далейшага лекаваньня спадарыні Валянціны. Пакуль дактары не плянуюць перавозіць яе ў Менск ці Віцебск, больш дакладная інфармацыя будзе пасьля кансыліюму.

Тым часам супрацоўнікі вушацкай міліцыі кажуць, што гэта «рэдкі выпадак», ніколі падобных нападаў на пэнсіянэраў у раёне не было.

Сьледчы камітэт па Віцебскай вобласьці распачаў крымінальную справу па факце нападу на Валянціну Быкаву.

Паказаць камэнтары

XS
SM
MD
LG