Лінкі ўнівэрсальнага доступу

Журналістку Радыё Свабода Хадзіджу Ісмаілаву вызвалілі


Як паведамляе наш карэспандэнт, сёньня суд у Баку, разглядаючы апэляцыю азэрбайджанскай журналісткі Хадзіджы Ісмаілавай, прыняў рашэньне вызваліць яе з адтэрміноўкай выкананьня прысуду.

Вярхоўны суд Азэрбайджану распарадзіўся вызваліць з-пад варты журналістку Хадзіджу Ісмаілаву пасьля таго, як яе прысуд быў паніжаны зь сямі з паловай да трох з паловай гадоў.

Журналістку азэрбайджанскай службы Радыё Свабода Хадзіджу Ісмаілаву, арыштаваную ў пачатку сьнежня 2014 году, у верасьні 2015 году прысудзілі да сямі з паловай гадоў турмы па абвінавачаньнях у эканамічных злачынствах — крадзяжах, перавышэньні службовых паўнамоцтваў, нелегальным прадпрымальніцтве і ўхіленьні ад выплаты падаткаў. Падчас працэсу Ісмаілава адхіліла ўсе абвінавачаньні, назваўшы іх палітычна матываванымі.

Паводле Ісмаілавай, улады адпомсьцілі ёй за журналісцкія расьсьледаваньні фактаў карупцыі ў вышэйшых эшалёнах улады Азэрбайджану.

«Гэта вялікі дзень для Хадзіджы і для ўсіх журналістаў, і для свабоды слова ва ўсім сьвеце, — заявіў галоўны рэдактар Радыё Свабода / Радыё Свабодная Эўропа Нэнад Пеіч. — Мы надзвычай радыя за Хадзіджу і яе сям’ю і ня можам дачакацца, калі яна вернецца да працы».

Паказаць камэнтары

XS
SM
MD
LG