Кандыдат на пасаду міністра замежных спраў Польшчы Вітальд Вашчыкоўскі лічыць, што варта зноў разгледзець акалічнасьці катастрофы самалёта прэзыдэнта Польшчы Качыньскага ў Расеі 10 красавіка 2010 году.
Вітольд Вашчыкоўскі заявіў, што яго краіне надакучыла чакаць пакуль Расея верне абломкі самалёта прэзыдэнта Качыньскага, і ў сувязі з гэтым Варшава мае намер зьвярнуцца ў Эўрапейскі суд па правах чалавека, каб іх атрымаць.
Вашчыкоўскі, кандыдатура якога прапанаваная на пасаду кіраўнікоў МЗС, адзначыў, што польскі бок мае намер паскардзіцца ў Страсбур на зацягваньне Расеяй расьсьледаваньня і ў арбітражныя суды за ўтрыманьне маёмасьці, каб было прынята рашэньне, якое абавяжа Расею вярнуць польскую маёмасьць.
Самалёт Ту-154 з прэзыдэнтам Польшчы Лехам Качыньскім на борце пацярпеў крушэньне паблізу Смаленска ў красавіку 2010 года, у выніку чаго загінулі прэзыдэнт з жонкай і яшчэ 95 палітычных дзеячаў, чыноўнікаў і вэтэранаў апазыцыйнага руху «Салідарнасьць».
Вітольд Вашчыкоўскі таксама заявіў, што любое паляпшэньне адносін паміж Расеяй і Захадам павінна зыходзіць з Масквы, таму што ў цяперашняй напружанасьці вінаватая Расія.
Заява Вашчыкоўскага, зробленая ў панядзелак, стала адлюстраваньнем ўзмацненьня жорсткасьці пазыцыі ў адносінах да Расеі новага польскага ўрада ад партыі «Закон і справядлівасьць», якая выйграла выбары пасьля васьмі гадоў кіраваньня цэнтрысцкай партыі «Грамадзянская плятформа». Урад будзе прыведзены да прысягі на працягу найбліжэйшых дзён.
