6 лістапада ў Палацы Незалежнасьці пройдзе пятая па ліку інаўгурацыя Аляксандра Лукашэнкі — афіцыйнае ўступленьне на пасаду прэзыдэнта Рэспублікі Беларусь. Радыё Свабода ў рэжыме жывога часу будзе адсочваць цікавосткі і дэталі цырымоніі, а таксама даваць апэратыўныя камэнтары.
«Жадаем прэзыдэнту трошачкі сумленьня», — беларусы віншуюць Лукашэнку з інаўгурацыяй
Радыё Свабода запытала ў мінакоў, як бы яны павіншавалі Лукашэнку з афіцыйным уступленьнем на пасаду прэзыдэнта і што б пажадалі кіраўніку краіны ў гэты дзень.
У 2011 годзе Лукашэнка паабяцаў быць адказным і справядлівым да ўсіх беларусаў
Апошняя інаўгурацыйная прамова Аляксандра Лукашэнкі 21 студзеня 2011 году цягнулася 13 хвілінаў.
Першы канал беларускага радыё і нацыянальныя тэлеканалы пачалі прамую трансляцыю.
Лукашэнка едзе з рэзыдэнцыі «Дразды» да Палаца Незалежнасьці ў суправаджэньні экскорта матацыклістаў.
Лукашэнка ідзе па чыровнай дывановай дарожцы у палац.
Лукашэнка ідзе без сына Мікалая.
Цырымонія вядзецца на рускай мове.
Прамаўляе старшыня ЦВК Лідзія Ярмошына.
Ярмошына просіць прынесьці прысягу. Лукашэнка прамаўляе яе на беларускай мове. Клятва складаецца з 30 слоў бяз злучнікаў і прыназоўнікаў.
Гучыць гімн, але бачна, што ня ўсе яго сьпяваюць.
Лукашэнка прынёс прысягу на Канстытуцыі, падпісвае адпаведны акт.
Лідзія Ярмошына ўручыла Лукашэнку пасьведчаньне прэзыдэнта.
Лукашэнку ўручылі чырвона-зялёны букет.
Кіраўнік Савета Рэспублікі Міхаіл Мясьніковіч прамаўляе па руску :
"Вы стварылі незалежную Беларусь, дзяржаву, якую паважаюць у сьвеце... Цярніты наш шлях, але мы моцная нацыя. Мы моцныя нашай згуртаванасьцю вакол лідэра. Акажам вам усебаковую падтрымку. Няхай жыве Аляксандар Лукашэнка!"
Пасьля выступіў старшыня Канстытуцыйнага суду.
Лукашэнка прамаўляе па-руску.
З прамовы Лукашэнкі:
«Назіральнікі маглі пераканацца, што кампанія прайшла адкрыта, спакойна адпаведна з беларускімі законамі.
Гэта перамога беларускага народа. Упершыню гэта была кампанія, назіраючы за якой, мы ганарыліся самі сабой і нашым народам. Вы бачылі, што рабілася вакол.
Народ спакойна, ціха, адкрыта прыйшоў і паказаў, хто гаспадар у гэтым доме. У няпрсоты, гістарычны момант народ прадэманстраваў згуртаванасьць, масава прыняўшы ўдзел у выбарах. Яны выказалі падтрымку той зьнешняй і ўнутранай палітыцы, якую мы праводзім 20 гадоў.
Мы не ілгалі, мы ніколі нікога не падманвалі. Мы ішлі сваёй дарогай. І гэты шлях паказаў правільнасьць нашых дзеяньняў. Разам мы стварылі жыцьцяздольную дзяржаву, якая стабільна разьвіваецца».
Мікалай, Віктар і Дзьмітры Лукашэнка ў залі сядзяць побач з боку ад асноўных радоў.