Лінкі ўнівэрсальнага доступу

Калі новая грашовая адзінка будзе зьвязаная з жорсткай палітыкай, усё атрымаецца, — Леанід Заіка


Леанід Заіка

Леанід Заіка

1 ліпеня 2016 г. будзе праведзеня дэнамінацыя беларускага рубля ў суадносінах 1:10.000, паведаміла прэс-служба прэзыдэнта.

Указ № 450 «Аб правядзеньні дэнамінацыі афіцыйнай грашовай адзінкі Рэспублікі Беларусь» падпісаны 4 лістапада.

Кіраўнік аналітычнага цэнтру «Стратэгія», эканаміст Леанід Заіка лічыць, што ўлады нарэшце прыслухаліся да таго, што ён раіў шмат год таму:

«Пра гэта я казаў ужо 15 гадоў. Але самы лепшы час для дэнамінацыі быў год дзесяць таму. Ну, я заўважыў, што тое, што я рэкамэндую, праз 15 год робяць. Пазнавата, вядома... Але, праўда, лепей закрэсьліць чатыры нулі, а ня тры, я так і рэкамэндаваў. І манэты трэба ўводзіць, я рад, што гэта робіцца. Дый мы ўсё больш пераходзім на электронны абарот. Папяровыя грошы і манэты — гэта ў пэўным сэнсе ўчорашні дзень.

Цяпер усё залежыць ад таго, ці будзе жорсткая палітыка, ці будзе Нацыянальны банк утрымліваць новую грашовую адзінку. Калі новая грашовая адзінка будзе зьвязаная з жорсткай палітыкай, моцнымі рашэньнямі, усё атрымаецца. Той старой інфляцыйнай палітыкі, якая вяла да павелічэньня грашовай базы, быць не павінна. Новая грашовая палітыка мае стварацца на новай грашовай адзінцы, якая мае быць стабільнай».

Паказаць камэнтары

XS
SM
MD
LG