Лінкі ўнівэрсальнага доступу

СМІ: Арыштаваны суўладальнік «Трайпл» Уладзімір Япрынцаў


Уладзімір Япрынцаў. Фота: вКонтакте
Уладзімір Япрынцаў. Фота: вКонтакте

«Беларускі партызан» атрымаў інфармацыю аб арышце ўплывовага бізнэсмэна, аднаго з саўладальнікаў холдынгу «Трайпл» Уладзіміра Япрынцава.

Паводле крыніцы «Беларускага партызана», арыштавалі Уладзімера Япрынцава ў Менску, адразу пасьля яго вяртаньня з Масквы. Аднаго з самых уплывовых і багатых бізнэсоўцаў Беларусі бралі па ўсіх правілах сілавога «маскі-шоу» з удзелам спэцназу.

Ніякіх падрабязнасьцяў крымінальнай справы супраць партнэра Юрыя Чыжа, саўладальніка «Трайплу» пакуль няма. Сілавыя структуры Беларусі ніякіх камэнтароў не даюць. Беларускія бізнэсмэны, якія вялі справы з Япрынцавым і групай «Трайпл», адмаўляюцца што-небудзь казаць наогул. Ніхто не разумее прычын здарэньня.

Тэлефон Уладзімера Япрынцава не адказвае. Немагчыма датэлефанавацца і да яго найбліжэйшай памочніцы ў кампаніі.

Асабістая памочніца Юрыя Чыжа на пытаньні журналіста «Беларускага партызана» сказала, што нічога камэнтаваць ня будзе і ня можа ні пацьвердзіць, ні абвергнуць гэтую інфармацыю.

Уладзімер Япрынцаў — трохразовы чэмпіён сьвету па самба, трохразовы чэмпіён Эўропы па самба, уладальнік Кубку сьвету і нават доктар філязофскіх навук. Ён віцэ-прэзыдэнт Эўрапейскай асацыяцыі самба, старшыня Беларускай фэдэрацыі самба і Беларускай фэдэрацыі дзюдо. Чэмпіён сьвету па самба сярод вэтэранаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG