Лінкі ўнівэрсальнага доступу

Вернікі абураныя забаронай уезду кіраўніка БАПЦ у Беларусь


Служба ў саборы сьв. Кірылы Тураўскага (Нью-Ёрк)

Служба ў саборы сьв. Кірылы Тураўскага (Нью-Ёрк)

Парафіяльная Рада Катэдральнага Сабору Сьв. Кірылы Тураўскага Беларускае Аўтакефальнае Праваслаўнае Царквы (БАПЦ) у Нью Ёрку прыняла пратэст у сувязі з забаронай уезду ў Беларусь кіраўніка БАПЦ Архіяпіскапа Сьвятаслава.

«Ягоныя візыты на Бацькаўшчыну заўсёды чакаюцца вернікамі і даюць неабходную ў наш цяжкі час духоўную падтрымку тым, хто хоча быць пад апекаю менавіта беларускай царквы, а не царкоўных структураў, падпарадкаваных Маскоўскаму патрыярхату», — піша Расьціслаў Гарошка, старшыня Парафіяльнае Рады Сабору Сьв. Кірылы Тураўскага ў Нью Ёрку, у лісьце, дасланым на адрас Радыё Свабода.

Памежнікі не прапусьцілі архіяпіскапа Беларускай аўтакефальнай праваслаўнай царквы Сьвятаслава 31 ліпеня на прапускным пункце Новая Гута ў Гомельскай вобласьці. Ён ехаў у Беларусь па запрашэньні вернікаў БАПЦ.

Паказаць камэнтары

XS
SM
MD
LG