«Пасярод ночы ў цэнтры і ў спальным раёне Адэсы прагрымелі два выбухі, у выніку якіх пашкоджаныя два білборды з патрыятычнай рэклямай і газэтны шапік. Пацярпелых няма», — паведамляе ўпраўленьне МУС па Адэскай вобласьці. Распачатая крымінальная справа.
За апошнія месяцы ў Адэсе адбылося некалькі дзясяткаў выбухаў. Большасьць зь іх былі прызнаныя тэрактамі.
У сакавіку здэтанавала прылада ў штаб-кватэры арганізацыі «Правы сэктар».
У траўні адбыўся падрыў чыгуначнага моста. Пры гэтым усе гэтыя выбухі не прывялі да ахвяраў і раненьняў.
