Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць падарункі.
Афіша:
У арт-базе «Вялес» (10 км ад Горадні) адбудзецца Арт-пікнік для дзяцей. У праграме, сярод іншага, разнастайныя гульні, маляваньне, танцы, кніжны клюб. Пачатак а 11.00.
Каталіцкая працэсія Божага Цела пройдзе ў цэнтры Мінска. Працэсія пачнецца а 9.00 са сьвяточнага набажэнства каля касьцёла Найсьвяцейшай Тройцы (Сьвятога Роха) на вуліцы Залатая Горка.
31 траўня ў клюбе «Re:Public» у 18.00 пачнецца after-party «Tattoo Fest 2015» — падвядзеньне вынікаў фэсту і вялікі рок-канцэрт з удзелам гуртоў «Neuro Dubel», «Дай Дарогу!», «Znich», «Эксперимент 12».
31 траўня – Сусьветны дзень без тытуню.
У гісторыі:
1640 – нарадзіўся Міхал Вішнявецкі, кароль польскі і вялікі князь літоўскі ад 1669 да 1673.
1792 – самараспусьціўся Чатырохгадовы Сойм Рэчы Паспалітай. Найвышэйшым дасягненьнем Сойму лічыцца прыняцьце Канстытуцыі 3 траўня.
1809 – нарадзіўся Франц Ёзэф Гайдн, аўстрыйскі кампазытар.
1930 – нарадзіўся Клінт Іствуд, амэрыканскі кінаактор і рэжысэр.
1948 – нарадзілася Сьвятлана Алексіевіч, беларуская пісьменьніца. Аўтарка кніг «У вайны не жаночае аблічча», «Цынкавыя хлопчыкі», «Чарнобыльская малітва», «Час сэканд-хэнд» ііншых.
У памяці:
1800 – памёр Міхал Казімер Агінскі, выбітны дзяяч беларускае гісторыі. Быў кандыдатам на трон Рэчы Паспалітай, змагаўся з расейскім захопам беларускіх земляў. Ягонае войска пацярпела паразу ад арміі Суворава ў вядомай бітве пад Сталавічамі. З ініцыятывы і на сродкі Міхала Казімера пабудаваны Агінскі канал.
Цытаты:
«Калі чалавек не мяняецца, нешта зь ім сапраўды кепска».
«Я думаю, старэць у прыгожы спосаб – вельмі важны талент. Але для мяне гэта ўжо запозна».
«Вам трэба шмат красьці. Ват трэба мець крымінальны мэнталітэт, каб стаць рэжысэрам».
Клінт Іствуд