Лінкі ўнівэрсальнага доступу

logo-print

Аліеў, як і Лукашэнка, ня едзе на саміт «Усходняга партнэрства»


Прэзыдэнт Азэрбайджану Ільхам Аліеў адмовіўся ад удзелу ў саміце «Ўсходняга партнэрства» Эўразьвязу ў Рызе 21-22 траўня, піша агенцтва Turan.

Памочнік прэзыдэнта Алі Гасанаў патлумачыў гэта празьмерна шчыльным графікам працы прэзыдэнта ў сувязі з набліжэньнем Эўрапейскіх гульняў.

Азэрбайджан на саміце будуць прадстаўляць намесьнік кіраўніка адміністрацыі прэзыдэнта Наўруз Мамедаў і кіраўнік МЗС Эльмар Мамед’яраў.

Прэзыдэнт Ільхам Аліеў асабіста прысутнічаў на усіх папярэдніх самітах «Усходняга партнэрства» ( у Празе ў 2009 годзе, у Варшаве ў 2011 годзе, ў Вільні ў 2013 годзе і на юбілейным нефармальным саміце ў Празе ў 2014 годзе).

XS
SM
MD
LG