Блізу двух дзясяткаў чалавек затрыманыя ў Маскве. Па словах відавочцаў, усе яны — прадстаўнікі Усерасейскага руху валютных іпатэчных пазычальнікаў, якія выйшлі на Красную плошчу ў майках з надпісамі «Нявольнік валютнай іпатэкі».
Праваабаронцы ўдакладняюць, што паліцыя не палічыла патрэбным патлумачыць удзельнікам акцыі пра прычыны затрыманьня. Усяго, паводле апошніх зьвестак, у аўтазаках апынулася 19 чалавек.
Пратэстоўцы патрабуюць справядлівых умоваў рэфінансаваньня валютных крэдытаў, а таксама таго, каб дзяржава і фінансавыя істытуцыі падзялі з пазычальнікамі валютныя рызыкі.
Тым часам паліцыя Санкт-Пецярбургу затрымала блізу дзясятка ўдзельнікаў акцыі пратэсту супраць правядзеньня «Русского международного консервативного форума», на які зьбіраюцца прадстаўнікі шэрагу нацыяналістычных партый з розных краінаў.
Па усім горадзе, як паведамляюць мясцовыя СМІ, ладзяцца нешматлікія ці адзіночныя пікеты супраць меркаванага форуму: людзі б’юць у барабаны і скандуюць антыфашысцкія лёзунгі.