Лінкі ўнівэрсальнага доступу

Праграмістаў у Беларусі могуць пазбавіць ільгот. Чакаецца адток IT-спэцыялістаў ВІДЭА


"Бывай, Менск!" - кажуць IT-спецыялісты
пачакайце

No media source currently available

0:00 0:01:36 0:00
Наўпроставы лінк

Міністэрства фінансаў прапануе павысіць падатковыя адлічэньні ў ІТ сфэры. Пазбаўленьне льготаў можа стаць прычынай адтоку спэцыялістаў.

Улады Беларусі шукаюць грошы. Усьлед за ініцыятывай увесьці некаторыя незвычайныя віды падаткаў (напрыклад, на дармаедаў) зьявілася яшчэ адна прапанова. Мінфін Беларусі падрыхтаваў зьмены ў Дэкрэт прэзыдэнта. Яны фактычна пазбаўляюць рэзыдэнтаў Парку высокіх тэхналёгій падатковых ільгот.

Сацыяльныя выплаты кампаній-рэзыдэнтаў плянуецца павялічыць прыкладна ў 3 разы, а падаходны падатак падняць зь 9 да 10%. Ці застанецца Парк Паркам пасьля такіх новаўвядзеньняў?

«Парк, уласна, і ствараўся для таго, каб падвысіць экспарт і каб праграмісты не зьяжджалі» — кажа заснавальнік і саўладальнік інтэрнэт-рэсурсу TUT.BY Юры Зісер.

«Падняць падаходны падатак на адзін працэнт, гэта капейкі! Калі ў сярэднім там паўтары тысячы даляраў па галіне — заробак у месяц, то гэта — пятнаццаць даляраў. Але вось сацстрах — гэта катастрафічна. Гэта адразу рост на чатырыста — шэсьцьсот даляраў», — падлічвае Зісер.

У Парку высокіх тэхналёгій пакуль дзейнічае льготны рэжым падаткаабкладаньня, які прыцягвае ў Беларусь тысячы праграмістаў.

Ён стымуляваў рост гэтай галіне ў 30 разоў і адпаведна павялічыў валютныя паступленьні ў краіну. Паводле неафіцыйнай інфармацыі, адміністрацыі Парку пакуль удалося адстаяць некаторыя падатковыя льготы, аднак ніхто не дае гарантыі, што беларускі ўрад ня вернецца да гэтага пытаньня зноў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG