Лінкі ўнівэрсальнага доступу

logo-print

У Баранавічах апаганілі крыж ахвярам камуністычных рэпрэсіяў


Крыж усталяваны каля былой сталінскай турмы Крывое кола

Крыж усталяваны каля былой сталінскай турмы Крывое кола

Невядомыя вандалы спалілі вянок каля мэталічнага крыжа ахвярам сталінскіх рэпрэсіяў у Баранавічах.

Як распавёў Свабодзе баранавіцкі грамадзкі дзеяч Віктар Сырыца, гэта ня першы выпадак вандалізму каля крыжа памяці:

«І раней зрывалі вянкі, стужкі нашы бел-чырвона-белыя, кветкі псавалі ды раскідалі... Мы ж традыцыйна зьнічкі там запальваем на Дзяды, на Радуніцу, то часта і гэтыя лямпадкі раскідаюць па тэрыторыі. Але вось каб вянок спаліць, такое першы раз. Вянок, дарэчы, мы штогод увесну і ўвосень новы ставім. Падобныя зьявы ў нас бываюць і ў іншых месцах. Найперш — ва ўрочышчы Гай, дзе ўсталяваны помнік памяці расстраляных у 1942 годзе габрэяў. Гэты мэмарыяльны комплекс апаганьваецца зь яшчэ большай рэгулярнасьцю».

Спалены вянок каля Крыжа ахвярам гвалту 1939-1953 гг

Спалены вянок каля Крыжа ахвярам гвалту 1939-1953 гг

Віктар Сырыца распавёў, што рыхтуе і заўтра панясе ў міліцыю заяву аб апаганьваньні помніка:

Трэба, каб знайшлі гэтых вандалаў. Але я ні разу ня чуў, каб кагосьці знайшлі і пакаралі за гэта.

«Трэба, каб знайшлі гэтых вандалаў. Але я ні разу ня чуў, каб кагосьці знайшлі і пакаралі за гэта. Калі яны захочуць, то знойдуць, але ў мяне такое ўражаньне, што ня надта яны хочуць шукаць...»

Крыж-помнік ахвярам сталінскіх рэпрэсіяў быў усталяваны актывістамі ў 1992 годзе ў цэнтры Баранавічаў, кажа Віктар Сырыца:

«Але потым КДБ уначы патаемна ад нас перавёз яго на тэрыторыю былой турмы. Каб далей ад людзкіх вачэй. Але ня выкінулі яго, а пераўсталявалі. Па кнізе Татаранкі, там расстралялі НКВДшнікі з 1939 па 1941 год некалькі тысяч чалавек».

XS
SM
MD
LG