Дырэктар канцэртнай агенцыі «Шаблі», якая арганізуе беларускае турнэ расейскага артыста, заявіў Свабодзе, што пакуль ня бачыць нагоды камэнтаваць, чаму агенцыя арганізуе ў Менску, Горадні, Магілёве і Гомелі выступы Івана Ахлабысьціна, які вядомы адыёзнымі заявамі з нагоды падзеяў ва Ўкраіне.
«Я ня буду даваць камусьці пэрсанальны камэнтар. Зараз ёсьць пэўны інтарэс да мяне і маіх камэнтароў з нагоды канцэртаў. Я не хачу нікога выдзяляць. Сёньня ўвечары альбо заўтра я пагляджу, што напісана ў інтэрнэце з нагоды канцэрту Ахлабысьціна. Калі я палічу неабходным, то нейкі камэнтар я напішу на сваёй старонцы. Пакуль я ня бачу неабходнасьці камэнтаваць гэтую падзею. Праўда, пакуль я ня ведаю, што там пішуць у інтэрнэце», — сказаў Уладзімер Шаблінскі.
