Украінскага руфера Рыгора Мустанга, які заявіў, што пафарбаваў зорку дома на Кацельніцкай набярэжнай у Маскве ў колеры ўкраінскага сьцяга, абвясьцілі ў міжнародны вышук.
Расейскі рэсурс РБК паведамляе, што сапраўднае імя руфера, які вядомы пад нікам Mustang Wanted, Павал Ушавец.
20 жніўня ў Маскве былі затрыманыя 4 парашутысты, грамадзяне Расеі, якіх абвінавацілі ў датычнасьці да зьмены выгляду будынку. Украінскі руфер праз некалькі дзён прызнаўся ў фэйсбуку, што зорку на доме пафарбаваў ён.