Лінкі ўнівэрсальнага доступу

Ужо сёньня, 13 чэрвеня: Прэзэнтацыя кнігі Рыгора Барадуліна


Ілюстрацыя з Календара Бахарэвіча

Ілюстрацыя з Календара Бахарэвіча

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

Пружаны. Музэй-сядзіба «Пружанскі палацык» запрашае на летні канцэрт «Тэатро». У праграме – музычныя творы Скрабіна, Рахманінава, П'яцола, Шапэна, Дэбюсі, Дворжака і іншых. Пачатак у 16.00.

Літаратурны музэй Максіма Багдановіча (Менск, М.Багдановіча, 7а) запрашае на сустрэчу з Валерыем Гапеевым, які зрабіў спробу расшыфраваць генэтычны код беларускай нацыі ў сваім новым рамане «Праклён». Пачатак у 17:13. Плата за ўваход: Пытаньне да Валерыя Гапеева.

У кнігарні «ГАЛІЯФЫ» (Менск, вул. Валгаградзкая, 6) адбудзецца прэзэнтацыя кнігі Рыгора Барадуліна «Сны сасны». У імпрэзе возьмуць удзел: тэатар «Жывое слова», Алеся Сівохіна, Алесь Камоцкі, Людміла Хейдарава-Паўлікава. Пачатак а 19:00.
ГЭТЫ ДЗЕНЬ У ГІСТОРЫІ

1611 – войскі Рэчы Паспалітай пасьля амаль двухгадовай аблогі ўзялі Смаленск.

1864 – памёр Генрык Дэмбінскі, адзін з кіраўнікоў антырасейскага паўстаньня 1831 году.

1966 – Ватыкан адмяніў «Індэкс забароненых кніг», уведзены ў 1557 годзе.

2009 – у Беларусі ўпершыню праведзеная апэрацыя перасадкі ныркі дзіцяці ад яго сваякоў.

У гэты дзень нарадзіліся:

1702 – Міхал Казімір Радзівіл «Рыбанька», вялікалітоўскі дзяржаўны дзяяч, мэцэнат.

1834 – Канстанцін Вераніцын, аўтар паэмы «Тарас на Парнасе».

Узьлез. Гляджу – будынак новы
Стаіць, зазвычай панскі двор,
Кругом абнесен тын яловы:
Нябойсь, сюды ня ўлезе вор!
А на дварэ тым сьвіньні ходзяць,
Каровы, козы, бараны...
Знаць, і багі хазяйства водзяць,
Калі сьвіней дзяржаць яны.

З паэмы «Тарас на Парнасе»

1889 – Павал Жаўрыд, беларускі грамадзка-палітычны дзеяч, журналіст, адзін з кіраўнікоў Слуцкага паўстаньня 1920 году.

1956 – Леанід Тараненка, беларускі цяжкаатлет, двухразовы чэмпіён сьвету.
З КАЛЕНДАРА БАХАРЭВІЧА

Тым, хто ў танку. 13 чэрвеня 1984 у цэнтры Менску 13 чалавек пратэстуюць супраць руйнаваньня будынку тэатру Поляка.
XS
SM
MD
LG