Лінкі ўнівэрсальнага доступу

Расея пакуль не перакрые газ Украіне


Уладзімер Пуцін

Уладзімер Пуцін

Прэзыдэнт Расеі Ўладзімер Пуцін сказаў, што Расея «да дадатковых кансультацый» пакуль не перавядзе пастаўкі газу Ўкраіне на памесячную перадаплату.

«Улічваючы складаную сытуацыю, у якой знаходзіцца Ўкраіна, і незавершанасьць нашага перамоўнага працэсу з ЭЗ, я прасіў бы ўрад ўстрымацца пакуль ад прымяненьня магчымасьцяў, якія вынікаюць з кантракту ажно да правядзеньня дадатковых кансультацый, калі, вядома, нашы партнэры на гэтыя кансультацыі згодныя», — сказаў Пуцін на тэрміновай нарадзе з кіраўніцтвам ураду пра «газавы» канфлікт з Украінай.

Паводле Пуціна, калі Кіеў адмовіцца ад гэтых «кансультацый», то перадаплата будзе ўведзена.

Агульная запазычанасьць Украіны перад Расеяй складае 16,6 млрд даляраў, паведаміў прэм’ер-міністар Расеі Дзьмітрый Мядзьведзеў.

Паводле Мядзьведзева, у Расеі ёсьць усе падставы для пераходу на папярэднюю аплату паставак газу для Ўкраіны.

Ад пачатку красавіка Расея падняла цану газу для Ўкраіны з 268,5 даляра ЗША за тысячу кубамэтраў да 485 даляраў. Кіеў адмаўляецца плаціць гэтую цану, бо лічыць яе інструмэнтам палітычнага ціску.

Міністар энэргетыкі Ўкраіны Юры Продан раней заявіў, што ў выніку павышэньня цаны пад пагрозай апынуцца ня толькі пастаўкі ва Ўкраіну, якія можа спыніць Расея, але і транзыт газу ў Эўропу.
XS
SM
MD
LG