Лінкі ўнівэрсальнага доступу

Мэр Белагорску назваў рэфэрэндум незаконным


Участак для галасаваньняў Сімферопалі, архіўнае фота

Участак для галасаваньняў Сімферопалі, архіўнае фота

Мэр аднаго з крымскіх гарадоў — Белагорску — Альберт Кангіеў назваў рэфэрэндум, прызначаны крымскай Вярхоўнай Радай, нелегітымным.

«На мой погляд, гэтае дзеяньне нічога агульнага, акрамя назвы, з рэфэрэндумам ня мае», — цытуе партал «Навіны Крыму» Альберта Кангіева.

Кангіеў адзначыў, што правядзеньне мясцовага рэфэрэндуму супярэчыць Канстытуцыі Ўкраіны. Акрамя гэтага, няма ні часу, ні тэхнічных магчымасьцяў, каб падрыхтавацца да рэфэрэндуму.

«Усё, што адбываецца цяпер у Крыме, рана ці позна будзе мець прававую ацэнку», — заявіў мэр Белагорску.

Ён адзначыў, што мае намер дзейнічаць выключна ў рамках заканадаўства Ўкраіны.
XS
SM
MD
LG