Спэцслужбы пайшлі ў наступ на блёкпосты дэманстрантаў. Зьнішчылі барыкады ва ўрадавым квартале. Дэманстранты арганізавана сышлі у бок майдану Незалежнасьці. Ключавым цэнтрам супраціву становіцца будынак Кіеўскай гарадзкой адміністрацыі і сам Майдан Незалежнасьці.
У інтэрнэце зьявілася панарама зь нядзельнай акцыі. Тут вы можаце ацаніць колькасьць удзельнікаў. Дарэчы, некаторыя мэдфі пішуць пра 2,4 млн удзельнікаў. Глядзець панараму: http://www.airpano.ru/files/Ukraine-EuroMaidan/1-2
00:3010.12.2013
Віцэ-прэзыдэнт ЗША паразмаўляў зь Януковічам па тэлефоне
Віцэ-прэзыдэнт ЗША Джо Байдэн у тэлефоннай размове папярэдзіў прэзыдэнта Віктара Януковіча аб недапушчальнасьці ўжываньня гвалту падчас масавых акцыяў пратэсту. У паведамленьні, апублікаваным на сайце Белага дома, гаворыцца, што «Байдэн выказаў Януковічу глыбокую заклапочанасьць з нагоды сытуацыі ва Ўкраіне і ўзрослага патэнцыялу для гвалту» .
«Віцэ-прэзыдэнт падкрэсьліў неабходнасьць неадкладнай дээскаляцыі сытуацыі і пачатку дыялёгу зь лідэрамі апазыцыі па дасягненьні кансэнсусу для выпрацоўкі шляху Украіны наперад», — інфармуюць ў адміністрацыі прэзыдэнта ЗША.
Джо Байдэн таксама адзначыў, што «гвалт ня мае месца ў дэмакратычным грамадзтве, і ён несумяшчальны са стратэгічнымі адносінамі паміж Украінай і ЗША». «Віцэ-прэзідэнт пацьвердзіў цьвёрдую падтрымку ЗША эўрапейскіх імкненьняў Украіны і павіншаваў прыхільнасьць прэзыдэнта Януковіча да захаваньня гэтага шляху».
23:179.12.2013
Адстаўка Януковіча — адзіны мірны сцэнар для Эўрамайдану, — Freedom House
Праваабарончая арганізацыя Freedom House заклікае ЗША і Эўразьвяз увесьці санкцыі супраць кіраўніцтва Украіны ў выпадку, калі яно скарыстае сілу супраць мірных мітынгоўцаў. У паведамленьні, распаўсюджаным арганізацыяй, таксама гаворыцца пра тое, што адстаўка Віктара Януковіча і датэрміновыя выбары зьяўляюцца «адзіным негвалтоўным мэтадам завяршыць супрацьстаяньне з дэманстрантамі».
«Прэзыдэнт Януковіч страціў давер і легітымнасьць у вачах ўкраінскага народу. Мы не падтрымліваем ўладу натоўпу, але Януковіч сам стварыў крызіс, адкінуўшы рух да эўрапейскай інтэграцыі, ігнаруючы тым самым патрабаваньні пратэстоўцаў, каб урад працаваў ад імя народу», — заявіў кіраўнік Freedom House Дэйвід Крэймэр. Чытаць далей...
23:119.12.2013
Удзельнікі Майдану перакананыя, што ўрадавыя сілы вырашылі зрабіць аблогу, каб адрэзаць удзельнікаў майдану ад камунікацыяў, ежы, вады, цяпла. Крамы ў раёне Майдану зачыненыя. Майданаўцы просяць прыносіць ежу, дровы, ваду.
В КМДА просять приносити хліб, бо в найближчих магазинах скінчився. Хто пруч - допоможіть! #євромайдан
Салдаты ўнутраных войскаў і байцы спэцпадразьдзяленьня «Беркут» пакінулі блёкпост майданаўцаў па адрасе Лютэранская, 28. Да гэтага яны сумесна зь невядомымі ў цывільным спрабавалі разабраць барыкады, якія там пабудавалі мітынгоўцы. Адступіць спэцназаўцаў прымусілі некалькі дзясяткаў пратэстоўцаў, якія прыйшлі на дапамогу разам з народнымі дэпутатамі ад аб’яднаньня «Свабода». Чытаць далей...
22:029.12.2013
На тэрыторыю офісу 5-га каналу, спрабавалі патрапіць «цітушкі» (так украінская апазыцыя называе правакатараў). Пра гэта вядучая «5 канала» Вікторыя Сюмар паведаміла ў жывым эфіры.
«У офіс спрабавалі пранікнуць каля двух дзясяткаў хлопцаў. Кажуць, што хочуць абараняць наш канал. Частка зь іх нападпітку», — распавяла яна.
21:539.12.2013
Украінская апазыцыя падлічыла колькасьць сваіх апанэнтаў са спэцслужбаў
21:479.12.2013
Брусэльскі карэспандэнт Радыё Свабода Рыкард Юзьвяк піша, што Вярхоўны прадстаўнік Эўразьвязу па пытаньнях зьнешняй палітыкі і палітыкі бясьпекі, віцэ-прэзыдэнт Кэтрын Эштан заўтра плянуе, паводле непацьверджаных дадзеных, сустрэцца зь Януковічам у другой палове дня.
Таксама яна сустрэнецца зь лідэрамі апазыцыі і прадстаўнікамі грамадзянскай супольнасьці.
not confirmed yet but Ashton hopes to meet Yanukovych late afternoon 2morrow. she'll also meet the opposition & civil society reps #Ukraine
Гэта працэсуальнае мерапрыемства ажыцьцяўленае ў межах расьсьледавання крымінальнай справы, адкрытай па 2 артыкулах Крымінальнага кодэксу Украіны, якія прадугледжваюць адказнасьць за махлярства і злоўжываньне службовым становішчам.
У Міністэрства ўнутраных спраў Украіны паступіў зварот групы грамадзян па незаконным завалоданьні кампутарнай тэхнікай на суму звыш 350 тысяч грыўняў. Акрамя таго, у заяве гаварылася аб злоўжываньнях службовым становішчам з боку службовых асобаў.
20:409.12.2013
Як спэцназаўцы вызвалялі вуліцу Грушэўскага ад мітынгоўцаў. Відэа Грамадзкага тэлебачаньня
Камунальнікі з дапамогай унутраных войскаў разьбіраюць барыкады мітынгоўцаў на вуліцы Лютэранскай каля адміністрацыі прэзыдэнта ў Кіеве.
Праваахоўнікі пачалі адціскаць дэманстрантаў на вуліцы Лютэранскай, адначасова з гэтым бульдозэр пачаў разбураць ахоўныя збудаваньні. Ля барыкадаў, пабудаваных ўчора, знаходзяцца дэманстранты, якія заклікаюць праваахоўнікаў «быць з народам», ня біць мітынгоўцаў.
19:569.12.2013
У цэнтры Кіева адкрылі станцыі мэтро. Барыкады каля Кабміну разабралі. Спэцназаўцы блякуюць подступы да майдану Незалежнасьці
