Лінкі ўнівэрсальнага доступу

6 жніўня ва ўрочышчы Курапаты прайшла чарговая талака па прывядзеньні ў парадак месца масавага пахаваньня ахвяр сталінскага тэрору.

Талаку арганізавала ініцыятыва «За ўратаваньне Курапатаў», такія акцыі ў мэмарыяле праводзяцца з 25 траўня гэтага году.

Сярод удзельнікаў сёньняшняй талакі былі кіраўнік Менскага аддзяленьня міжнароднага таварыства «Мэмарыял» Уладзімер Раманоўскі, каардынатар ініцыятывы «За ўратаваньне Курапатаў» Ганна Шапуцька, былы палітвязень Сяргей Ханжанкоў, маладыя валянтэры. Яны выразалі хмызьняк на месцах пахаваньняў, выдалялі падгнілыя дрэвы, прыбіралі сьмецьце.

Другі этап талакі, прымеркаваны да эўрапейскага дня памяці ахвяраў сталінізму і нацызму, будзе працягвацца да 22 жніўня.

Паказаць камэнтары

XS
SM
MD
LG