Лінкі ўнівэрсальнага доступу

Выйсьці зь беларускага грамадзянства будзе даражэй


Міністэрства фінансаў прапануе павялічыць у 2014 годзе шэраг збораў за консульскія дзеяньні беларускіх дыппрадстаўніцтваў за мяжой.

У праекце зьмяненьняў і дапаўненьняў у Падатковы кодэкс збор за разгляд заявы аб выхадзе з грамадзянства Рэспублікі Беларусь павялічаны з 175 да 250 эўра, выдачу (абмен) пашпарта грамадзяніна Беларусі для пастаяннага пражываньня за межамі краіны — з 20 да 40 эўра, абмен пашпарта грамадзяніна Беларусі, які пражывае на яе тэрыторыі, — з 60 да 100 эўра.

Стаўка збору за аднаразовае прадаўжэньне тэрміну дзеяньня пашпарта грамадзяніну Беларусі, які часова выехаў з краіны, можа быць павышана з 10 да 20 эўра, пры гэтым словы «аднаразовае прадаўжэньне» прапануецца замяніць на «разгляд заявы аб аднаразовым прадаўжэньні».

Акрамя таго, Мінфін ініцыюе павелічэньне збораў за ажыцьцяўленьне шэрагу натарыяльных дзеяньняў дыппрадстаўніцтвамі, паведамляе БелаПАН.

Паказаць камэнтары

XS
SM
MD
LG