Лінкі ўнівэрсальнага доступу

logo-print

Бюджэт Эўразьвязу будзе скарочаны да трыльёну


На саміце Эўразьвязу ў Бруселі прыняты бюджэт арганізацыі на бліжэйшыя сем гадоў. Лідэры краінаў ЭЗ дамовіліся пра скарачэньне бюджэту.

Кіраўнік ЭЗ Херман Ван Рампей высока ацаніў дасягненьне гэтага кампрамісу. Раней ён падкрэсьліў, што ад прыняцьця бюджэту залежыць жыцьцё цэлых рэгіёнаў і сацыяльных груп насельніцтва.

З моманту адкрыцьця саміту ў чацьвер удзельнікі спрабавалі пераадолець рознагалосьсі паміж прыхільнікамі і праціўнікамі скарачэньня выдаткаў ЭЗ. Лідэры краінаў Паўднёвай і Ўсходняй Эўропы імкнуліся захаваць фінансаваньне ў галіне інфраструктуры і сельскай гаспадаркі.

Прыняты бюджэт прадугледжвае выдаткі ў аб’ёме прыкладна трыльён эўра, што значна ніжэй за суму, якую першапачаткова прапаноўвала Эўрапейская камісія.
XS
SM
MD
LG