Тады з палігону ў Чарнігаўскай вобласьці падчас вайсковых манэўраў ракета трапіла ў жылы дом у горадзе Бравары, што пад Кіевам. А паколькі ўкраінскія вайскоўцы не адразу прызналі сваю датычнасьць да гэтай трагедыі, то яшчэ і цяпер журналісты ставяцца з пэўным недаверам да іх заяваў.
На гэты час існуе дзьве асноўнычя вэрсіі катастрофы. Амэрыканскія экспэрты надалей настойваюць, што самалёт магла зьбіць украінская ракета, а ў Расеі лічаць, што гэта быў тэракт, у выніку якога загінула 78 чалавек.
Сёньня ўначы Леанід Кучма запэўніў у тэлефоннай размове Ўладзімера Пуціна, што абвінавачаньні ўкраінскіх сілаў супрацьпаветранай абароны ў гібелі самалёта абсалютна неабгрунтаваныя, а міністар абароны Ўкраіны Аляксандар Кузьмук заявіў, што ніводная з украінскіх ракетаў не магла адляцець на такую адлегласьць, каб трапіць у расейскі Ту-154, апрача таго ўсе запускі былі пад шматплянавым кантролем.