Радыё Свабода прапануе наведнікам сайту вызначыць пераможцу конкурсу «Адпачынак па-беларуску» праз інтэрнэт-галасаваньне. Пераможца атрымае iPod Shuffle. Прыз журы — радыёпрымач.
На працягу лета мы прымалі ад нашых чытачоў і слухачоў яскравыя і адметныя аўтарскія фота, якія адлюстроўваюць асаблівасьці адпачынку па-беларуску ды адказваюць на пытаньне: як і дзе адпачываюць беларусы?
Агулам прыйшло каля сотні фотаздымкаў, якія цікава і непаўторна перадаюць усе адметнасьці і, спадзяемся, адлюстроўваюць адпачынак па-беларуску. Для кагосьці гэта роднае лецішча ці вёска, беларуская прырода і традыцыйныя народныя сьвяты.
Шмат беларусаў вандруе за мяжою і вельмі прыемна, што там яны спрабуюць падкрэсьліць сваю беларускасьць, бяруць з сабою нацыянальныя сьцягі ды зь імі плаваюць на байдарках ды ходзяць у горы.
Таксама прапануем пазнаёміцца з конкурснымі вынікамі мінулых тыдняў.
«Адпачынак па-беларуску. Што гэта і як?» Пераможцы 1-га тыдня
«Адпачынак па-беларуску. Што гэта і як?» Пераможцы 2-га тыдня
«Адпачынак па-беларуску. Што гэта і як?» Пераможцы 3-га тыдня
«Адпачынак па-беларуску. Што гэта і як?» Пераможцы 4-га тыдня
Вось фіналісты ўсяго конкурсу, просім вас прагаласаваць за фаварытаў:
Радыё Свабода абвяшчае пераможцаў пятага тыдня ў конкурсе «Адпачынак па-беларуску. Што гэта і як?» Гэтым разам мы адзначылі аўтараў шасьці фатаздымкаў.
Пераможцы атрымаюць ад Радыё Свабода камплекты апошніх кніжак, якія выйшлі ў сэрыі «Бібліятэка Свабоды».
А вось пераможцы 5-га тыдня конкурсу.
У пяці тыднёвых этапах конкурсу адзначаныя 21 фатаздымак, якія цяпер зьмешчаныя ў асобных альбомах у фэйсбуку і кантакце ды ўдзельнічаюць у фінальным конкурсе. Шляхам галасаваньня будзе вызначаны найлепшы фатаздымак, аўтар якога атрымае сучасны радыёпрымач падарунак ад Радыё Свабода.