Лінкі ўнівэрсальнага доступу

Асанжа арыштуюць, як толькі ён выйдзе з амбасады


Партрэт Джуліяна Асанжа на фоне брытанскага сьцяга, 30 траўня 2012

Партрэт Джуліяна Асанжа на фоне брытанскага сьцяга, 30 траўня 2012

Брытанскія ўлады пацьвердзілі, што заснавальнік праекту WikiLeaks Джуліян Асанж знаходзіцца цяпер «па-за межамі дасягальнасьці» паліцыі — на тэрыторыi замежнай амбасады.

Прадстаўнік лёнданскай паліцыі заявіў, што, калі Асанж пакіне пасольства Эквадору, на тэрыторыі якога ён знаходзіцца з аўторка, то будзе неадкладна арыштаваны за парушэньне ўмоў закладу, пад які ён быў вызвалены на час разгляду брытанскімі судамі справы аб яго выдачы ў Швэцыю.

Вярхоўны суд нядаўна адхіліў апошнюю апэляцыю Асанжа. Каб пазьбегнуць выдачы ў Швецыю, дзе яго вінавацяць у сэксуальных злачынствах, Асанж ў аўторак зьявіўся ў амбасаду Эквадора ў Лёндане і падаў прашэньне аб палітычным прытулку. Міністар замежных спраў Эквадору заявіў, што прашэньне будзе разгледжана ў адпаведнасьці зь міжнародным правам.

Заснавальнік WikiLeaks лічыць, што яго перасьледуюць паводле палітычных матываў — за публікацыю на сайце парталу тысячаў сакрэтных дакумэнтаў Дзярждэпартамэнту і іншых ведамстваў ЗША.

XS
SM
MD
LG