Лінкі ўнівэрсальнага доступу

Эгіпет: прысуд Мубараку выклікаў новыя забурэньні


Прыхільнікі і апанэнты Мубарака перад будынкам суду пасьля абвяшчэньня выраку, Каір, 2 чэрвеня, 2012

Прыхільнікі і апанэнты Мубарака перад будынкам суду пасьля абвяшчэньня выраку, Каір, 2 чэрвеня, 2012

Удзельнікі тлеташніх пратэстаў разьлічвалі на вынясеньне сьмяротнага прысуду былому дыктатару

У сталіцы Эгіпту Каіры ў суботу ўвечары пачаліся стыхійныя акцыі пратэсту супраць прысуду, вынесенага экс-прэзыдэнту краіны Хосьні Мубараку і некалькім урадоўцам зь яго блізкага атачэньня.

Паведамляецца аб сутыкненьнях пратэстоўцаў з паліцыяй, ёсьць пацярпелыя. Многія эгіпцяне, у тым ліку прыхільнікі арганізацыі «Браты-мусульмане», патрабуюць перагляду прысуду Мубараку, які быў асуджаны на пажыцьцёвае зьняволеньне. Удзельнікі тлеташніх пратэстаў разьлічвалі на вынясеньне сьмяротнага прысуду былому дыктатару.

Экс-прэзыдэнта прызналі вінаватым у гібелі 850-і ўдзельнікаў дэманстрацый у Каіры, пасьля якіх Мубарак быў вымушаны сысьці ў адстаўку.

Сярод іншых падсудных толькі экс-міністар унутраных спраў Хабіб аль-Адлі быў таксама пакараны пажыцьцёваым зьняволеньнем. Шэсьць чалавек былі апраўданыя, у тым ліку сыны Мубарака – Алаа і Гамаль, абвінавачаныя ў карупцыі.

Праваабарончая арганізацыя Human Rights Watch назвала прысуд Мубараку «гістарычным», але скрытыкавала сьледзтва, якое, на думку праваабаронцаў, недастаткова поўна абгрунтавала віну падсудных.

Паказаць камэнтары

XS
SM
MD
LG