Лінкі ўнівэрсальнага доступу

Ужо сёньня, 11 траўня


Насьценны каляндар да 130-годзьдзя Якуба Коласа

Насьценны каляндар да 130-годзьдзя Якуба Коласа

Бліц-агляд падзеяў і тэмаў у Беларусі, сьвеце, гісторыі.

УДЗЕНЬ...

...пераменная воблачнасьць, але без дажджу. Тэмпэратура: плюс 20–22.

НЕ ПРАПУСЬЦІЦЕ:

У вечаровым эфіры Свабоды праграмы «Нашы дзеці», «Экспэртыза», «Госьці Свабоды».

У БЕЛАРУСІ І СЬВЕЦЕ

У менскім кінатэатры «Перамога» адкрываецца фэстываль эўрапейскага кіно. Ён арганізаваны прадстаўніцтвам Эўразьвязу ў Беларусі і амбасадамі краінаў ЭЗ. Праграма ўключае пятнаццаць фільмаў з трынаццаці краінаў. Паказы пройдуць з 11 да 17 траўня. Уваход на ўсе паказы вольны. Адкрыцьцё фэстывалю 11 траўня а 18.30.

На фасадзе будынку мэрыі Парыжа, у 11-ай акрузе гораду, будзе вывешаны гіганцкі партрэт віцэ-прэзыдэнта Міжнароднай Фэдэрацыі за правы чалавека, кіраўніка ПЦ «Вясна» Алеся Бяляцкага з заклікам да яго неадкладнага вызваленьня. Урачыстае мерапрыемства, пра якое паведамляюць гарадзкая прэса і сайт мэрыі Парыжа, адбудзецца ў рамках акцыі «Парыж за Алеся Бяляцкага».

У Капэнгагене міжнародная канфэрэнцыя на тэму «Пабудова будучыні Эўропы: Разважаньні пасьля крызысу».

* * *

Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ

1855 – заснаваны Віленскі музэй старажытнасьцяў.

1994 – у Тураве ўстаноўлены помнік Кірылу Тураўскаму.

У гэты дзень нарадзіліся:

1586 – Соф’я Алелька-Радзівіл, асьветніца, прылічаная да беларускіх праваслаўных сьвятых.

1833 – Бэнэдыкт Дыбоўскі, беларускі заоляг, прыродазнаўца, лекар.

1883 – Янка Маўр, беларускі пісьменьнік.

У гэты дзень памерлі:

1944 – Марат Казей, беларускі піянэр-герой.

1953 – Гасан Канапацкі, беларускі дзяяч вайсковага і нацыянальнага руху.

ЦЫТАТА НА ПАМЯЦЬ:

«Ляжыць Новая Гвінея каля самага экватара; значыць, там стаіць вечнае лета. Ня трэба дбаць ні аб апале, ні аб цёплым адзеньні, ні аб шчыльнай хаце. Увесь год растуць і цьвітуць там розныя дзіўныя расьліны. Па чырвоных кветках даўжынёю і шырынёю з добры ручнік лётае райская птушка, якая толькі і жыве ў гэтай краіне ды на некалькіх бліжэйшых астравах».

Янка Маўр, пачатак аповесьці «Ў краіне райскай птушкі»

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

Суд над Статкевічам, Вусам, Класкоўскім і іншымі

FEMEN расстраляў Лукашэнку з «рагатак»

Ірыну Халіп суд пакінуў пад хатнім арыштам
XS
SM
MD
LG