Лінкі ўнівэрсальнага доступу

logo-print

Шэф-рэдактара «Нашай Нівы» --> http://nn.by/?c=ar&i=70025 ссадзілі зь цягніка «Менск — Вільня».

Раней беларускія памежнікі ў розны час ня выпусьцілі за мяжу палітыкаў Анатоля Лябедзьку, Віктара Карняенку, Сяргея Калякіна, а таксама праваабаронцу Валянціна Стэфановіча.

Андрэй Дынько: Гэта стварэньне сьпісу закладнікаў
«Цікава таксама тое, што ўлады афіцыйна патлумачылі, што створаць сьпіс „невыязных“ для тых, хто выказваўся за санкцыі. Гэта не мая спэцыялізацыя, і я па пытаньнях санкцыяў ніколі не выказваўся. Мой выпадак — ён даказвае, што насамрэч гэта стварэньне сьпісу закладнікаў. Непрыемна, канечне, ведаць, што ты ў сьпісе закладнікаў, але, ведаючы, што творыцца ў нашай краіне, гэта таксама і непазьбежна».

Памежнікі адсылаюць да МУС. МУС пра праблему ня ведае


Асобам, якім было адмоўлена ў выезьдзе за мяжу, варта асабіста высьвятляць прычыны забароны ў тэрытарыяльных падразьдзяленьнях Дэпартамэнту спраў грамадзянства і міграцыі МУС, а таксама ў структурах, якія надзеленыя правам уключаць грамадзянаў у такую базу, заявіў днямі прэсавы сакратар Дзяржаўнага памежнага камітэту Беларусі Аляксандар Цішчанка.

Пералік дзяржаўных органаў і іншых юрыдычных асобаў, якія прымаюць рашэньні аб часовым абмежаваньні права грамадзян на выезд з краіны:

  • суды;
  • вайсковыя камісарыяты;
  • органы крымінальнага перасьледу;
  • установы папраўчай сыстэмы;
  • арганізацыі, якія маюць допуск да дзяржаўных сакрэтаў.

Інфармацыю пра тое, што ў базу дадзеных невыязных, якой карыстаюцца памежнікі, уключана болей за 100 прадстаўнікоў беларускай апазыцыі, ні ў МУС, ні ў КДБ пакуль не камэнтуюць.

Інфармацыя пра такі сьпіс зьявілася на пачату сакавіка.

Ніякіх новых абмежаваньняў уведзена не было, запэўніваў днямі прэсавы сакратар МУС Канстанцін Шалькевіч: «Правілы не мяняліся. Нават ня ведаю, пра што вы кажаце».

1 сакавіка начальнік управы нагляду за выкананьнем заканадаўства і законнасьцю прававых актаў Генэральнай пракуратуры Павал Радзівонаў даў зразумець, што асобам, якія заклікаюць да санкцыяў супраць кіраўніцтва Беларусі, можа быць абмежаваны выезд за мяжу.

Ваша меркаваньне

Паказаць камэнтары

XS
SM
MD
LG