Лінкі ўнівэрсальнага доступу

Бізнэсовец Шаўцоў падазраецца ў крадзяжы 10 мільёнаў даляраў


Сьледчы ізалятар КДБ

Сьледчы ізалятар КДБ

Заснавальнік і кіраўнік камэрцыйнага банку «Трастбанк», старшыня назіральнай рады кампаніі «Белзамежбуд» Віктар Шаўцоў падазраецца ў асабліва буйным крадзяжы.

Як паведаміў у этэры каналу «Беларусь-1» прадстаўнік КДБ Артур Стрэх, супраць шэрагу топ-мэнэджэраў будаўнічай кампаніі яшчэ ў кастрычніку была заведзеная крымінальная справа. Ім інкрымінуецца больш за 10 мільёнаў «адмытых» даляраў.

Цяпер, у прыватнасьці, правяраюцца зьвесткі пра датычнасьць Віктара Шаўцова да ўчыненьня супрацьпраўных дзеяньняў падчас падрыхтоўкі і рэалізацыі праектаў у Вэнэсуэле. У адносінах да Шаўцова абраная мера стрыманьня ў выглядзе заключэньня пад варту, ён знаходзіцца ў СІЗА КДБ.

Заява прадстаўніка КДБ прагучала празь некалькі гадзінаў пасьля заканчэньня прэсавай канфэрэнцыі Аляксандра Лукашэнкі, на якой ён распарадзіўся даносіць да грамадзкасьці дэталі карупцыйных злачынстваў.

Паказаць камэнтары

XS
SM
MD
LG