Пра зьезд і чарговыя спадзяваньні расказаў «Свабодзе» адказны сакратар аргкамітэту БХД Дзяніс Садоўскі:
«Пакуль, дзякуй Богу, акрамя нахабнай выхадкі міліцыянтаў ДАІ на Берасьцейшчыне, нічога ня здарылася, але, безумоўна, мы папярэдзілі ўсіх сваіх партыйцаў у рэгіёнах вельмі сур’ёзна паставіцца да бясьпекі. Мы не выключаем правакацыі з боку міліцыі і КДБ.
Карэспандэнт: «Вядома, што чацьвёрты па ліку ўстаноўчы зьезд партыі БХД адбудзецца ў палацы культуры Менскага трактарнага зводу. Ці ўдалося вырашыць арганізацыйныя пытаньні?»
Садоўскі: «Дзякуй Богу, на гэты раз праблемаў не было. Дамова заключана загадзя, перашкодаў з боку кіраўніцтва ДК няма».
Карэспандэнт: «Якім будзе прадстаўніцтва на зьезьдзе, і хто з гасьцей запрошаны?»
Садоўскі: «Прадстаўніцтва вызначана сходам ініцыятыўнай групы: 1 дэлегат ад 10 заснавальнікаў. Такім чынам, будзе ад 105 да 110 дэлегатаў. Акрамя таго, чакаем шмат гасьцей, як зь Менску, так і з рэгіёнаў — будуць лідары апазыцыйных палітычных партыяў. Чакаем таксама міжнародных гасьцей.»
Карэспандэнт: «Якія асноўныя дакумэнты будуць разглядацца на зьезьдзе?»
Садоўскі: «Акрамя вырашэньня пытаньняў зь юрыдычнымі дакумэнтамі, неабходнымі для Міністэрства юстыцыі, будзе пераабрана кіраўніцтва партыі, Нацыянальная рада (гэта кіруючы орган між зьездамі) і таксама будзе абмеркаваная стратэгія партыі на бліжэйшыя два гады».
«Пакуль, дзякуй Богу, акрамя нахабнай выхадкі міліцыянтаў ДАІ на Берасьцейшчыне, нічога ня здарылася, але, безумоўна, мы папярэдзілі ўсіх сваіх партыйцаў у рэгіёнах вельмі сур’ёзна паставіцца да бясьпекі. Мы не выключаем правакацыі з боку міліцыі і КДБ.
Карэспандэнт: «Вядома, што чацьвёрты па ліку ўстаноўчы зьезд партыі БХД адбудзецца ў палацы культуры Менскага трактарнага зводу. Ці ўдалося вырашыць арганізацыйныя пытаньні?»
Садоўскі: «Дзякуй Богу, на гэты раз праблемаў не было. Дамова заключана загадзя, перашкодаў з боку кіраўніцтва ДК няма».
Карэспандэнт: «Якім будзе прадстаўніцтва на зьезьдзе, і хто з гасьцей запрошаны?»
Садоўскі: «Прадстаўніцтва вызначана сходам ініцыятыўнай групы: 1 дэлегат ад 10 заснавальнікаў. Такім чынам, будзе ад 105 да 110 дэлегатаў. Акрамя таго, чакаем шмат гасьцей, як зь Менску, так і з рэгіёнаў — будуць лідары апазыцыйных палітычных партыяў. Чакаем таксама міжнародных гасьцей.»
Карэспандэнт: «Якія асноўныя дакумэнты будуць разглядацца на зьезьдзе?»
Садоўскі: «Акрамя вырашэньня пытаньняў зь юрыдычнымі дакумэнтамі, неабходнымі для Міністэрства юстыцыі, будзе пераабрана кіраўніцтва партыі, Нацыянальная рада (гэта кіруючы орган між зьездамі) і таксама будзе абмеркаваная стратэгія партыі на бліжэйшыя два гады».
