19 чэрвеня на Віцебшчыне, у вёсцы Бычкі Вушацкага раёну – на малой радзіме Васіля Быкава – адбыліся імпрэзы, прысьвечаная памяці славутага пісьменьніка, якому ў гэты дзень споўнілася б 87 гадоў.
Сёлета ўжо чацьвёрты раз была прысуджаная прэмія “За свабоду думкі”, заснаваная рухам “За Свабоду” пад кіраўніцтвам Аляксандра Мілінкевіча. Ляўрэатам стаў экс-кандыдат на прэзыдэнцкую пасаду, вядомы паэт Уладзімер Някляеў.
Ляўрэата віншуе Аляксандар Мілінкевіч
Прэмія “За свабоду думкі” была заснаваная чатыры гады таму на ўзор прэміі “За свабоду” імя Сахарава, якой у 2006 годзе быў уганараваны Аляксандар Мілінкевіч. Гэтай прэміяй узнагароджваюць тых, хто, на думку адмысловага журы, яскрава праявіў сябе ў грамадзкай, прафэсійнай альбо творчай дзейнасьці на карысьць Беларусі і свабоды.
Выступае Ўладзімер Арлоў
Упершыню ў 2008 годзе яна была прысуджаная Рыгору Барадуліну. Тады ж ляўрэатамі сталіся таксама Ўладзімер Арлоў і Павал Севярынец. У 2009 годзе прэмія “За свабоду думкі” была ўручана Алесю Пушкіну. Летась ганаровы дыплём і сымбалічную статуэтку аўтарства Віктара Копача атрымала Ада Райчонак, актывістка з Шаркоўшчынскага раёну, арганізатарка шматлікіх мастацкіх пленэраў, стваральніца некалькіх музэяў і заснавальніца Цэнтру імя Язэпа Драздовіча.
Валянціна Ўладзімераўна Быкава
Да ўгодкаў Васіля Быкава на ягонай малой радзіме прайшлі літаратурныя чытаньні і невялікі канцэрт. На імпрэзу зьехліся госьці з усяе Беларусі, а таксама прадстаўнікі амбасадаў Вялікабрытаніі, Польшчы і Славаччыны. Пачэснай госьцяй сьвята стла сястра Васіля Быкава, Валянціна Ўладзіміраўна.
Завяршылася іпрэза сяброўскім абедам і выступам бардаў Зьмітра Бартосіка і Георгія Станкевіча.
Госьці сьвята ў гонар Васіля Быкава
Сёлета ўжо чацьвёрты раз была прысуджаная прэмія “За свабоду думкі”, заснаваная рухам “За Свабоду” пад кіраўніцтвам Аляксандра Мілінкевіча. Ляўрэатам стаў экс-кандыдат на прэзыдэнцкую пасаду, вядомы паэт Уладзімер Някляеў.
Прэмія “За свабоду думкі” была заснаваная чатыры гады таму на ўзор прэміі “За свабоду” імя Сахарава, якой у 2006 годзе быў уганараваны Аляксандар Мілінкевіч. Гэтай прэміяй узнагароджваюць тых, хто, на думку адмысловага журы, яскрава праявіў сябе ў грамадзкай, прафэсійнай альбо творчай дзейнасьці на карысьць Беларусі і свабоды.
Упершыню ў 2008 годзе яна была прысуджаная Рыгору Барадуліну. Тады ж ляўрэатамі сталіся таксама Ўладзімер Арлоў і Павал Севярынец. У 2009 годзе прэмія “За свабоду думкі” была ўручана Алесю Пушкіну. Летась ганаровы дыплём і сымбалічную статуэтку аўтарства Віктара Копача атрымала Ада Райчонак, актывістка з Шаркоўшчынскага раёну, арганізатарка шматлікіх мастацкіх пленэраў, стваральніца некалькіх музэяў і заснавальніца Цэнтру імя Язэпа Драздовіча.
Да ўгодкаў Васіля Быкава на ягонай малой радзіме прайшлі літаратурныя чытаньні і невялікі канцэрт. На імпрэзу зьехліся госьці з усяе Беларусі, а таксама прадстаўнікі амбасадаў Вялікабрытаніі, Польшчы і Славаччыны. Пачэснай госьцяй сьвята стла сястра Васіля Быкава, Валянціна Ўладзіміраўна.
Завяршылася іпрэза сяброўскім абедам і выступам бардаў Зьмітра Бартосіка і Георгія Станкевіча.
