НАВАЛЬНІЦЫ...
...і шквалісты вецер. 19 – 29 °С.
НЕ ПРАХОДЗЬЦЕ МІМА:
31 ліпеня
У клюбе "Рэактар" у Менску матч па прафэсійным боксе з удзелам баксэраў зь Беларусі, Расеі, Украіны і Грузіі. Пачатак а 18.00.
1 жніўня
У Менску ў Палацы мастацтва пачнецца арт-літ-пленэр “Прысьвячэньне Язэпу Драздовічу” (будзе доўжыцца да 3 жніўня).
Першы збор першай беларускай жаночай хакейнай каманды пад назвай “Пантэра” ў Раўбічах каля Менску.
ТАМ, ДЗЕ НАС НЯМА:
31 ліпеня
"Марш нязгодных" у Маскве.
Сусьветны кангрэс моладзі ў Стамбуле.
1 жніўня
Прэзыдэнт Пакістану Асіф Алі Зардары пачынае візыт у Францыю.
ТАКСАМА Ў ГЭТЫ ДЗЕНЬ:
31 ліпеня
У 1556 памёр Інгацы Лаёла, заснавальнік Таварыства Ісуса (ордэну езуітаў), залічаны да сьвятых.
У 1920 годзе адбылося другое абвяшчэньне БССР бальшавікамі (гэтак званая Літоўска-Беларуская ССР спыніла існаваньне).
У 1944 загінуў пісьменьнік Антуан дэ Сэнт-Экзюпэры, аўтар сусьветна вядомых "Маленькага прынца" і "Плянэты людзей" (нар. 1900). Вайсковы пілёт Экзюпэры папросту не вярнуўся з выведнага палёту. Адшукаць яго і ягоны самалёт так і не ўдалося.
У 1965 нарадзілася Джаан Роўлінг, аўтарка сусьветна вядомых раманаў пра Гары Потэра.
У 1989 нарадзілася беларуская тэнісістка Вікторыя Азаранка.
1 жніўня
У 1520 нарадзіўся Жыгімонт Аўгуст, кароль польскі і вялікі князь літоўскі (пам. 1572).
ЁСЬЦЬ НАГОДА:
1 жніўня — Дзень чыгуначніка.
МІНУС 365:
Год таму на сайце “Свабоды”: "Учора — палітвязень, сёньня — беспрацоўны".
ЦЫТАТА НА ПАМЯЦЬ:
"Дасканаласьці дасягаюць не тады, калі няма чаго дадаць, а тады, калі няма чаго адняць" — Антуан дэ Сэнт-Экзюпэры.