Лінкі ўнівэрсальнага доступу

Былы прэзыдэнт Кіргізстану, магчыма, пакінуў Беларусь.


Паводле зьвестак карэспандэнтаў "Свабоды" ў кіргіскім горадзе Ош, там ідуць размовы пра хуткае зьяўленьне Бакіева. Паводле мясцовых крыніцаў, Бакіеў выляцеў зь Менску і кіруецца ў гэты рэгіён Сярэдняй Азіі.

На аўторак, 22 чэрвеня, на запросіны экс-прэзыдэнта, была прызначана сустрэча ў яго менскай загараднай рэзыдэнцыі з групай журналістаў. На сустрэчу быў запрошаны і карэспандэнт "Свабоды".

21 чэрвеня раніцай рэдакцыя перадала Бакіеву папярэднія пытаньні. Аднак у гэты ж дзень у другой палове дня, пасьля атрыманьня першых зьвестак з Ошу, мы зьвязаліся з аховай Бакіева, каб спраўдзіць заплянаваную на аўторак сустрэчу.

Нам паведамілі, што сустрэча адкладаецца: быццам распрацоўваецца іншы сцэнар сустрэчы, трэба сачыць за паведамленьнямі нацыянальнага прэс-цэнтру.

Іншыя прычыны названыя не былі.

Паказаць камэнтары

XS
SM
MD
LG