Амбасадар Шапіра сказаў: перамовы аб адмене ўязных візаў Ізраіль пачаў адначасова з усімі краінамі СНД. Але дагэтуль станоўча пытаньне вырашана толькі з Расеяй. Зь Беларусьсю перамовы па-ранейшаму вядуцца, — адзначыў ізраільскі дыплямат:
«Пытаньне гэтае разглядаецца. Натуральна, яно будзе ўзьнята напрыканцы красавіка падчас візыту міністра спорту і турызму Беларусі Алега Качана ў Ізраіль. Мне падаецца, што беларускі бок выказваецца вельмі акрэсьлена за падпісаньне такой дамовы. І я спадзяюся, што яна будзе падпісаная.
Толькі з-за асьцярожнасьці я не хачу называць ніякія канкрэтныя даты. Давайце пачакаем, як пройдзе візыт міністра Качана. У любым выпадку я хачу сказаць: намеры ў гэтай сфэры ў ізраільскага боку пазытыўныя».
У Тэгеране заяўляюць, што Ізраіль трэба „сьцерці з аблічча зямлі“. А ў Менску кажуць, што ў дачыненьнях з Тэгеранам няма аніякіх пытаньняў, поўнае адзінства.
Другая прычына палягае ў асаблівых дачыненьнях Менску і Тэгерану. У Тэгеране заяўляюць, што Ізраіль трэба „сьцерці з аблічча зямлі“. А ў Менску кажуць, што ў дачыненьнях з Тэгеранам няма аніякіх пытаньняў, поўнае адзінства. Дык як гэта разумець?!»
Амбасадар Эдуард Шапіра сказаў, што колькасьць беларускіх турыстаў, якія летась наведалі Ізраіль, крыху зьменшылася параўнальна з папярэднім годам:
«Гэта зьвязана з крызісам. Беларусы сталі ехаць меней. І ня толькі беларусы. І ня толькі ў Ізраіль, але і ў іншыя краіны з-за крызісу. Аднак спаду турыстаў з Расеі ў нашу краіну наагул не было, нягледзячы на крызіс. Тут спрацаваў эфэкт адмены візаў».
