Лінкі ўнівэрсальнага доступу

Памежнікі “Менск 2” спынілі трафік “жывога тавару” ў Ізраіль


Пра гэта паведамілі ў прэсавай службе Дзяржаўнага памежнага камітэту Беларусі. Размова ідзе пра маладых беларускіх жанчын, якіх вывозілі ў бардэлі Ізраілю.


Памежнікі не ўдакладняюць, колькі дакладна дзяўчат сталі ахвярамі злачыннага гандлю. Паведамляецца, што вярбоўкай жанчын у Беларусі займаўся грамадзянін Беларусі.

Другі арганізатар каналу мае падвойнае грамадзянства — расейскае і ізраільскае.

На пачатку тыдня абодвух затрымалі ў менскім аэрапорце. Супраць іх распачатая крымінальная справа.

Паведамляецца, што некаторыя ахвяры гандлю людзьмі, якія раней апынуліся ў Ізраілі, ужо вярнуліся дадому. Лёсам астатніх займаюцца праваахоўныя органы Ізраілю.
XS
SM
MD
LG