Юлія Міхайлава прапусьціла заняткі ў той дзень, калі была на судзе ў свайго брата Івана, якога пакаралі арыштам за ўхіленьне ад вайсковай службы. На думку дырэктаркі каледжу, Юлія без паважнай прычыны прапусьціла заняткі і паводзіла сябе груба.
Юлія Міхайлава вучыцца на першым курсе каледжа швачнай прамысловасьці на майстра мужчынскага адзеньня. Яе старэйшы брат ад 15 сьнежня знаходзіцца пад вартай. 1 лютага яго судзілі за ўхіленьне ад вайсковай службы. Сям’я хлопца наведвае габрэйска-мэсіянскую рэлігійную суполку. Іван Міхайлаў тлумачыў, што паводле рэлігійных перакананьняў ня хоча трымаць зброю і прасіў даць яму магчымасьць служыць у рэзэрве. Але яму адмовілі і да суду ўзялі пад варту.
На другі дзень, як толькі Юлія прыйшла ў каледж, яе выклікалі да дырэктаркі Людмілы Раеўскай. Тая запатрабавала патлумачыць прычыну пропуску заняткаў.
Юлія Міхайлава: «Я прыйшла ў аўторак, і мяне выклікалі ў настаўніцкую да дырэктаркі. Яна спытала, чаму мяне не было на занятках, а я стала казаць, што была на судзе над братам. Яна мне адразу адказала, што гэта не паважная прычына. Яна сказала даволі зьедліва: „Можа, аддамо ёй дакумэнты, каб яна сышла з каледжу?“.
А я ўжо не магла стрымацца, павярнулася і выйшла за дзьверы. Гэта, як мне сказалі, ёсьць грубымі паводзінамі з майго боку».
Тыдзень Юлія Міхайлава хадзіла на вучобу і праблемаў не было. Сёньня ж пасьля пэдагагічнай нарады яе выклікала дырэктарка каледжу і сказала, што Юлію вырашылі адлічыць з вучобы. Юлія расказала, што была ў шоку.
Яе сябры зьвярнуліся ў Беларускі Хэльсынскі камітэт. Адтуль сябра камітэту Зьміцер Чарных патэлефанаваў дырэктарцы і паразмаўляў наконт дзяўчыны.
Юлія паведаміла «Свабодзе», што праз пару гадзін пасьля таго, як яна даведалася пра сваё адлічэньне, сытуацыя, магчыма, зьмянілася:
«Праз пару гадзін пасьля таго, як мяне адлічылі, дырэктарцы патэлефанавалі. Яна сказала напрыканцы размовы, што калі я прыйду і папрашу прабачэньня, то мяне пакінуць на вучобе».
Юлія лічыць, што пасьля арышту брата для яе бацькоў адлічэньне дачкі з каледжу стане ўдарам:
«У нас шматдзетная сям’я і я не хачу, каб маім бацькам было кепска. Так што пайду і папрашу прабачэньня».
Юліі Міхайлавай трэба вучыцца ў каледжы два гады і 9 месяцаў. Яе старэйшая сястра цяпер не працуе, бо ў яе нядаўна нарадзілася дзіця. А муж сястры Міхаіл Субач, адзін з удзельнікаў «справы 14-ці», мае шлюбны салён. Юлія марыць, што, атрымаўшы спэцыяльнасьць швачкі мужчынскага адзеньня, зможа фінансава падтрымаць сваю сям’ю.
Юлія Міхайлава вучыцца на першым курсе каледжа швачнай прамысловасьці на майстра мужчынскага адзеньня. Яе старэйшы брат ад 15 сьнежня знаходзіцца пад вартай. 1 лютага яго судзілі за ўхіленьне ад вайсковай службы. Сям’я хлопца наведвае габрэйска-мэсіянскую рэлігійную суполку. Іван Міхайлаў тлумачыў, што паводле рэлігійных перакананьняў ня хоча трымаць зброю і прасіў даць яму магчымасьць служыць у рэзэрве. Але яму адмовілі і да суду ўзялі пад варту.
На другі дзень, як толькі Юлія прыйшла ў каледж, яе выклікалі да дырэктаркі Людмілы Раеўскай. Тая запатрабавала патлумачыць прычыну пропуску заняткаў.
Юлія Міхайлава: «Я прыйшла ў аўторак, і мяне выклікалі ў настаўніцкую да дырэктаркі. Яна спытала, чаму мяне не было на занятках, а я стала казаць, што была на судзе над братам. Яна мне адразу адказала, што гэта не паважная прычына. Яна сказала даволі зьедліва: „Можа, аддамо ёй дакумэнты, каб яна сышла з каледжу?“.
А я ўжо не магла стрымацца, павярнулася і выйшла за дзьверы. Гэта, як мне сказалі, ёсьць грубымі паводзінамі з майго боку».
Тыдзень Юлія Міхайлава хадзіла на вучобу і праблемаў не было. Сёньня ж пасьля пэдагагічнай нарады яе выклікала дырэктарка каледжу і сказала, што Юлію вырашылі адлічыць з вучобы. Юлія расказала, што была ў шоку.
Яе сябры зьвярнуліся ў Беларускі Хэльсынскі камітэт. Адтуль сябра камітэту Зьміцер Чарных патэлефанаваў дырэктарцы і паразмаўляў наконт дзяўчыны.
Юлія паведаміла «Свабодзе», што праз пару гадзін пасьля таго, як яна даведалася пра сваё адлічэньне, сытуацыя, магчыма, зьмянілася:
«Праз пару гадзін пасьля таго, як мяне адлічылі, дырэктарцы патэлефанавалі. Яна сказала напрыканцы размовы, што калі я прыйду і папрашу прабачэньня, то мяне пакінуць на вучобе».
Юлія лічыць, што пасьля арышту брата для яе бацькоў адлічэньне дачкі з каледжу стане ўдарам:
«У нас шматдзетная сям’я і я не хачу, каб маім бацькам было кепска. Так што пайду і папрашу прабачэньня».
Юліі Міхайлавай трэба вучыцца ў каледжы два гады і 9 месяцаў. Яе старэйшая сястра цяпер не працуе, бо ў яе нядаўна нарадзілася дзіця. А муж сястры Міхаіл Субач, адзін з удзельнікаў «справы 14-ці», мае шлюбны салён. Юлія марыць, што, атрымаўшы спэцыяльнасьць швачкі мужчынскага адзеньня, зможа фінансава падтрымаць сваю сям’ю.