Бюро па транспартным страхаваньні праз суд хоча спагнаць зь Мікалая Ўласевіча 571 347 рублёў. Гэта кампэнсацыя за шкоду, нібыта нанесеную ў выніку дарожна-транспарнага здарэньня аўтамабілю «Ніва», які належыць упраўленьню КДБ па Астравецкім раёне. ДТЗ адбылося 11 верасьня 2009 году.
Мікалай Уласевіч сьцьвярджае, што ў ДТЗ ён не вінаваты, бо кіроўца машыны УКДБ па Астравецкім раёне сам парушыў правілы, выехаўшы са стаянкі на процілеглы бок вуліцы, пераехаўшы пры гэтым суцэльную паласу і не прапусьціўшы аўтамабіль Уласевіча, які ехаў па галоўнай дарозе.
Пры разборы сытуацыі з супрацоўнікамі ДАІ Уласевічу, зь яго слоў, таксама не ўдалося дамагчыся справядлівасьці, бо разбор адбываўся, на яго думку, неаб’ектыўна.
Уласевіч прызнае віну толькі ў тым, што на момант ДТЗ у яго была пратэрмінавана страхоўка грамадзянскай адказнасьці, за што ён ужо заплаціў штраф — 350 тысяч рублёў.
Перад судом Мікалай Уласевіч зьвяртаўся да начальніка Упраўленьня КДБ па Астравецкім раёне Шнурэя з тым, каб адрамантаваць машыну без пасярэднікаў за свой кошт. У гэтым яму было адмоўлена, а экспэрт ацаніў рамонт, якога патрабуе аўта, амаль у 600 тысяч рублёў.
Суму пазову Ўласевіч лічыць надуманай, бо пашкоджаньні аўта, зь яго слоў, нязначныя. Актывіст не выключае, што ДТЗ магло быць сплянаванае, каб запалохаць яго і паўплываць на ягоную актыўную палітычную пазыцыю.
Нагадаю, што разам зь іншымі актывістамі Мікалай Уласевіч актыўна выступае супраць будаўніцтва ў Астравецкім раёне атамнай станцыі. Ён ня раз публічна заяўляў пра сваю пазыцыю ў незалежных СМІ. У ягонай хаце па прадпісаньні КДБ міліцыя праводзіла ператрус, каб выявіць незарэгістраваныя ўлёткі і абсталяваньне для іх друку. Мікалай Уласевіч — сябра Аб’яднанай грамадзянскай партыі.
Наступнае паседжаньне суду прызначана на 29 студзеня а 10-й гадзіне.
Мікалай Уласевіч сьцьвярджае, што ў ДТЗ ён не вінаваты, бо кіроўца машыны УКДБ па Астравецкім раёне сам парушыў правілы, выехаўшы са стаянкі на процілеглы бок вуліцы, пераехаўшы пры гэтым суцэльную паласу і не прапусьціўшы аўтамабіль Уласевіча, які ехаў па галоўнай дарозе.
Пры разборы сытуацыі з супрацоўнікамі ДАІ Уласевічу, зь яго слоў, таксама не ўдалося дамагчыся справядлівасьці, бо разбор адбываўся, на яго думку, неаб’ектыўна.
Уласевіч прызнае віну толькі ў тым, што на момант ДТЗ у яго была пратэрмінавана страхоўка грамадзянскай адказнасьці, за што ён ужо заплаціў штраф — 350 тысяч рублёў.
Перад судом Мікалай Уласевіч зьвяртаўся да начальніка Упраўленьня КДБ па Астравецкім раёне Шнурэя з тым, каб адрамантаваць машыну без пасярэднікаў за свой кошт. У гэтым яму было адмоўлена, а экспэрт ацаніў рамонт, якога патрабуе аўта, амаль у 600 тысяч рублёў.
Суму пазову Ўласевіч лічыць надуманай, бо пашкоджаньні аўта, зь яго слоў, нязначныя. Актывіст не выключае, што ДТЗ магло быць сплянаванае, каб запалохаць яго і паўплываць на ягоную актыўную палітычную пазыцыю.
Нагадаю, што разам зь іншымі актывістамі Мікалай Уласевіч актыўна выступае супраць будаўніцтва ў Астравецкім раёне атамнай станцыі. Ён ня раз публічна заяўляў пра сваю пазыцыю ў незалежных СМІ. У ягонай хаце па прадпісаньні КДБ міліцыя праводзіла ператрус, каб выявіць незарэгістраваныя ўлёткі і абсталяваньне для іх друку. Мікалай Уласевіч — сябра Аб’яднанай грамадзянскай партыі.
Наступнае паседжаньне суду прызначана на 29 студзеня а 10-й гадзіне.
