Лінкі ўнівэрсальнага доступу

Більт абараняў Шапуцьку. Мартынаў апраўдваўся


Сяргей Мартынаў

Сяргей Мартынаў

Пытаньне пра выключэньне з БДУ моладзевай актывісткі Тацяны Шапуцькі ўздымалася на сустрэчы з прадстаўнікамі беларускіх уладаў у Брусэлі. Пра гэта паведаміў Карл Більт, міністар замежных справаў Швэцыі – краіны, якая старшынюе ў Эўразьвязе.


Більт заявіў, што будзе "абсалютна непрымальна", калі выключэньне з ВНУ адбылося з прычыны ўдзелу Шапуцькі ў Форуме грамадзянскай супольнасьці праграмы “Ўсходняга партнэрства”. Гэтае мерапрыемства прайшло ў Брусэлі 16-17 лістапада.

Кіраўнік беларускага МЗС Сяргей Мартынаў адзначыў, што "адлічвае не ўрад, а ВНУ". Ён падкрэсьліў, што прычынай адлічэньня стала "колькасьць пропускаў".

На гэта Більт адказаў, што "з кіраўніцтвам ВНУ зьвязаліся прадстаўнікі праваахоўчых органаў". "Яны, вядома, маглі цікавіцца яе пропускамі, але звычайна гэта не ўваходзіць у іх абавязкі", – заявіў швэдзкі міністар.

Карл Більт, Тацяна Шапуцька, Бэніта Фэрэра-Вальднэр падчас Форуму грамадзянскай супольнасьці, Брусэль, лістапад 2009. Фота: Facebook Тацяны Шапуцькі

Нагадаем, прэсавую сакратарку “Маладога фронту” Тацяну Шапуцьку адлічылі зь Белдзяржунівэрсытэту. Дзяўчына вучылася на юрыдычным факультэце. Яна прадстаўляла арганізацыю на паседжаньні Форуму грамадзянскай супольнасьці краінаў "Усходняга партнэрства".

Паказаць камэнтары

XS
SM
MD
LG