“Наша Ніва” апублікавала фотарэпартаж Юліі Дарашкевіч з вёскі Баруны на Ашмяншчыне. Яе ўвагу прыцягнуў будынак, што знаходзіцца за шыкоўным касцёлам пачатку XVIII стагоддзя. Збудаваны тады ж гэты будынак напачатку належаў базыльянам. За Расеяй яго перадалі праваслаўным; у мінулым стагодзьдзі там працавалі настаўніцкая сэмінарыя, сельсавет, дзіцячы інтэрнат, дом культуры. Сёньня будынак закінуты і больш нагадвае прыбіральню.
