Лінкі ўнівэрсальнага доступу

Ярашук: “Улада кажа дырэктарам — вы ніхто”


Аляксандар Ярашук

Аляксандар Ярашук

На думку старшыні Беларускага кангрэсу дэмакратычных прафсаюзаў Аляксандра Ярашука, ад дырэктара “Беларуськалія” Андрэя Башуры пазбаўляліся нягодным чынам.

“Андрэй Башура зьяўляўся кіраўніком, які быў абсалютна на сваім месцы, які (я адказана пра гэта кажу) карыстаўся вялікай павагай і аўтарытэтам у калектыве, у тым ліку і з боку незалежнага прафсаюза. Гэта быў адказны, сумленны чалавек і самастойны кіраўнік. Але пазбаўляліся ад яго выключна нягодным чынам, ня так, як гэта заслугоўвае такі кіраўнік. Апошні кантракт, які зь ім заключылі, быў са зьдзеклівым запісам — там было запісана “да прызначэньня новага генэральнага дырэктара”.

Праблема ў тым, як улада ставіцца да такіх людзей, камандзіраў вытворчасьці. Яна падкрэсьлівае, што вы ніхто, які б узровень кіраваньня ня мелі — вы проста расходны матэрыял.

Наступным можа стаць хто заўгодна. Сыстэма ўсіх трымае ў страху, каб кожны ведаў, што ён у любы момант можа быць зьняты.

  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода».  На беларускай Свабодзе ад 1994 году. Карэспандэнт расейскай Свабоды ў Беларусі.
     

XS
SM
MD
LG