Лінкі ўнівэрсальнага доступу

Класкоўскі: Зборнік я раіў бы як дапаможнік для журфаку


Аляксандар Класкоўскі

Аляксандар Класкоўскі

Выйшла 16-я кніга з сэрыі “Бібліятэка Свабоды. XXI стагодзьдзе” “Акцэнты Свабоды” Юрыя Дракахруста. Гэтая кніга — зборнік выбраных перадачаў праграмы Беларускай службы Радыё Свабода «Праскі акцэнт», якія выйшлі ў эфір у 2001—2008 гадох.


Аляксандар Класкоўскі, палітоляг:

“Паколькі я сам журналіст, то выдатна ўяўляю, якая катаржная праца стаіць за гэтай процьмай перадач такога складанага, я б сказаў, нэрвовага фармату. Там вялікая галерэя выступоўцаў, але ўсе гэтыя пярэстыя сюжэты, россыпы развагаў зьнітаваныя інтэлектам і майстэрствам вядоўцы. З аднаго боку, ён пазьбягае такой эмацыйнай ангажаванасьці, ня цісьне на суразмоўцаў, але, разам з тым, не праміне, напрыклад, дасьціпна зрэзаць нейкага аматара звонкай, але пустой фразы. І ён заўжды чэпка трымае дыскусію ў сваім інтэлектуальным сілавым полі. Таму гэты зборнік я зь лёгкай душой раіў бы як дапаможнік для журфаку. Вось так робіцца прафэсійны мэдыяпрадукт”.
XS
SM
MD
LG