Лінкі ўнівэрсальнага доступу

Гарадзенцы і Новы сьвет


Сёньня ўвечары ў Горадні адбылася прэзэнтацыя кніжкі “Новы сьвет” і яго навакольле“. Аўтар — гісторык Андрэй Чарнякевіч, пры ўдзеле іншага гісторыка Ігара Трусава.

Ігар Трусаў
Андрэй Чарнякевіч

У кнізе вялікая колькасьць здымкаў архітэктуры “Новага сьвету”, здымкі людзей, якія там жылі, выявы са старых паштовак.

“Новы сьвет” — раён, які будаваўся побач з гістарычным цэнтрам, пачынаючы з другой паловы ХІХ стагодзьдзя. Але ён не ўваходзіць у ахоўную зону, і ўлады нядаўна абвясьцілі аб намеры моцна “прарэдзіць” забудову, пакінуць толькі асноўныя — моцныя камяніцы, астатняе зруйнаваць, каб пабудаваць элітныя дамы.

Прыкладам, грамадзкасьць горада вельмі шкадуе дом у стылі канструктывізм, у якім апошнім часам была крама “Гарачы хлеб”. Камяніца была вельмі адметнай, прычым пабудавана яна была трывала, але гэта яе ня выратавала, не зважаючы на пратэсты аматараў старой архітэктуры яе разбурылі.

Паказаць камэнтары

XS
SM
MD
LG