Пра гэта яна заявіла ў інтэрвію каліфарнійскаму выданьню “Santa Rosa Press Democrat” .
Паводле адваката дзяўчынкі, Дзярждэпартамэнт ЗША дазволіў Тані больш працяглае знаходжаньне ў Амэрыцы.
Для перамоваў з барысаўскай школьніцай, якой у сьнежні споўніцца 17 гадоў, афіцыйны Менск адмыслова накіраваў у Пэталуму прадстаўніка МЗС Паўла Шыдлоўскага. Беларускі дыплямат адмовіўся камэнтаваць любыя дэталі сустрэчаў зь дзяўчынкай і сям’ёй Запатаў. Паводле крыніцаў, блізкіх да перамоваў, абмяркоўваліся самыя розныя варыянты. У тым ліку і той, каб Тані пасьля яе вяртаньня ў Беларусь ізноў дазволілі паехаць у ЗША.
Таня Казыра, якая ў размове з журналістамі таксама адмовілася агалошваць нейкія дэталі, усё ж адзначыла: яе рашэньне застацца ў ЗША — непахіснае. Незалежна ад захадаў беларускага боку яна будзе жыць надзеяй на тое, каб быць разам з дарагімі для яе Запатамі. “Магчыма, людзі ў Пэталуме, якія маюць добрае сэрца, зразумеюць мяне”, — кажа Таня Казыра.
Яна распавядае, што ўжо дзевяць гадоў называе “мамай і татам” Дэбі і Мануэля Запатаў. Сваім фактычным бацькам такіх слоў ёй ніколі не даводзілася казаць. Яна вельмі ганарыцца, што ў яе ёсьць 18-гадовая сястра Эшлі і два браты — 20-гадовы марскі пехацінец і 5-гадовы малы, які ходзіць у дзіцячы садок. Сваё жыцьцё ў Барысаве, у адным доме разам з залежным ад алькаголю і наркотыкаў бацькам яна называе кашмарам. Адзіны блізкі чалавек у яе там — бабуля. Ёй Таня тэлефануе штодня. Праз тэлефон з бабуляй-апякункай кантактуе і дыплямат Шыдлоўскі.
Тым часам наняты Дэбі і Мануэлем Запатамі адвакат дзяўчынкі Крыстафэр Кероскі заявіў, што Дзярждэпартамэнт ЗША ўжо даў дазвол на больш працяглае знаходжаньне Тані ў Амэрыцы, у адпаведнасьці зь дзеючай турыстычнай візай.
Прадстаўнікі афіцыйнага Менску не пагаджаюцца з гэтым рашэньнем і настойваюць, што непаўналетняя беларуская грамадзянка мусіць вярнуцца.
“Калі яна застанецца тут, у ЗША, то гэта створыць вельмі небясьпечны прэцэдэнт для іншых дзяцей”, — сказаў прадстаўнік беларускай амбасады ў Вашынгтоне Алег Краўчанка. — “Няўжо сям’я б паслала б сваё дзіця за мяжу, ведаючы, што яно ня вернецца?” — заявіў дыплямат Краўчанка.
Паводле адваката дзяўчынкі, Дзярждэпартамэнт ЗША дазволіў Тані больш працяглае знаходжаньне ў Амэрыцы.
Для перамоваў з барысаўскай школьніцай, якой у сьнежні споўніцца 17 гадоў, афіцыйны Менск адмыслова накіраваў у Пэталуму прадстаўніка МЗС Паўла Шыдлоўскага. Беларускі дыплямат адмовіўся камэнтаваць любыя дэталі сустрэчаў зь дзяўчынкай і сям’ёй Запатаў. Паводле крыніцаў, блізкіх да перамоваў, абмяркоўваліся самыя розныя варыянты. У тым ліку і той, каб Тані пасьля яе вяртаньня ў Беларусь ізноў дазволілі паехаць у ЗША.
Таня Казыра, якая ў размове з журналістамі таксама адмовілася агалошваць нейкія дэталі, усё ж адзначыла: яе рашэньне застацца ў ЗША — непахіснае. Незалежна ад захадаў беларускага боку яна будзе жыць надзеяй на тое, каб быць разам з дарагімі для яе Запатамі. “Магчыма, людзі ў Пэталуме, якія маюць добрае сэрца, зразумеюць мяне”, — кажа Таня Казыра.
Яна распавядае, што ўжо дзевяць гадоў называе “мамай і татам” Дэбі і Мануэля Запатаў. Сваім фактычным бацькам такіх слоў ёй ніколі не даводзілася казаць. Яна вельмі ганарыцца, што ў яе ёсьць 18-гадовая сястра Эшлі і два браты — 20-гадовы марскі пехацінец і 5-гадовы малы, які ходзіць у дзіцячы садок. Сваё жыцьцё ў Барысаве, у адным доме разам з залежным ад алькаголю і наркотыкаў бацькам яна называе кашмарам. Адзіны блізкі чалавек у яе там — бабуля. Ёй Таня тэлефануе штодня. Праз тэлефон з бабуляй-апякункай кантактуе і дыплямат Шыдлоўскі.
Тым часам наняты Дэбі і Мануэлем Запатамі адвакат дзяўчынкі Крыстафэр Кероскі заявіў, што Дзярждэпартамэнт ЗША ўжо даў дазвол на больш працяглае знаходжаньне Тані ў Амэрыцы, у адпаведнасьці зь дзеючай турыстычнай візай.
Прадстаўнікі афіцыйнага Менску не пагаджаюцца з гэтым рашэньнем і настойваюць, што непаўналетняя беларуская грамадзянка мусіць вярнуцца.
“Калі яна застанецца тут, у ЗША, то гэта створыць вельмі небясьпечны прэцэдэнт для іншых дзяцей”, — сказаў прадстаўнік беларускай амбасады ў Вашынгтоне Алег Краўчанка. — “Няўжо сям’я б паслала б сваё дзіця за мяжу, ведаючы, што яно ня вернецца?” — заявіў дыплямат Краўчанка.
