Лінкі ўнівэрсальнага доступу

Галоўным сьведкам у справе аб выбуху лічыцца жыхар Менску 1961 году нараджэньня, які нідзе не працуе.

Як паведаміў агенцтву Інтэрфакс высокапастаўлены супрацоўнік ГУУС Менгарвыканкаму, сьведка цяпер знаходзіцца ў міліцыі, але «аб'ектыўных прычынаў для затрыманьня гэтага чалавека няма».

Пасьля таго, як будуць гатовыя вынікі праверкі на дэтэктары хлусьні, адбіткі пальцаў, зроблены ператрус па месцы жыхарства, будзе прынята рашэньне, ці затрымліваць яго ў якасьці падазраванага.

Гэта быў адзіны са сьведкаў, сфатаграфаваны на месцы выбуху, які на працягу доўнгага часу не зьяўляўся ў міліцыю. На допыце ён паьлумачыў, што рэдка глядзіць тэлевізар і чытае газэты, а таму ня ведаў, што яго шукаюць.

Уначы 4 ліпеня ў Менску ў часе сьвяткаваньня Дня незалежнасьці выбухнула самаробная бомба, у выніку чаго пацярпелі 55 чалавек. Каля 10 зь іх дагэтуль застаюцца ў шпіталях.

Паказаць камэнтары

XS
SM
MD
LG