Былога кандыдата ў прэзыдэнты Мікалая Статкевіча асудзілі на тры гады турмы закрытага тыпу. Такое рашэньне прыняў суд, што адбыўся 12 студзеня ў шклоўскай калёніі № 17, дзе палітык адбывае пакараньне. Суд праходзіў у закрытым рэжыме, сваякоў і журналістаў на паседжаньне не дапусьцілі. Госьцем праграмы «Вынікі дня» была дачка Мікалая Статкевіча Кацярына, якая жыве і працуе ў Нямеччыне.
