У чым карысьць выбараў, нават такіх, якія і ня выбары зусім? У тым што яны так ці інакш – агульнанацыянальная дыскусія наконт шляхоў далейшага разьвіцьця краіны. У краінах дэмакратычных разьмеркаваньне галасоў на выбарах і ёсьць вынік гэтай дыскусіі. У дзяржавах, дзе сыстэма дзяржаўнага кіраваньня больш своеасаблівая і афіцыйныя лічбы маюць апасродкаваную, скажам так, сувязь з народным волевыяўленьнем, дыскусія ўсё ж адбываецца. І яе вынікі бяруцца пад увагу нават пераможцамі.
