Ганна Соусь, Менск 15 верасьня апублікаваны ўказ прэзыдэнта аб удасканаленьні працы з грамадзянамі ў дзяржаўных арганізацыях, які ўводзіць гэтак званы прынцып “аднаго акна”. Мяркуецца, што наведнікам шматлікіх дзяржаўных установаў больш не давядзецца стаяць у чэргах па шматлікія даведкі — большую частку гэтай працы павінны будуць рабіць самі чыноўнікі. Юрыст Сяргей Альфер называе гэты ўказ чарговым папулісцкім крокам і адзначае, што амаль усе палажэньні гэтага дакумэнту ўжо замацаваныя ў беларускім заканадаўстве.