«Прычына затрыманьняў, відавочна, зьвязаная з прыездам Пуціна 31 траўня. Супрацоўнікі міліцыі гэтага не хаваюць. І па-за судовай заляй прамым тэкстам пра гэта кажуць,» — паведамляюць праваабаронцы.
Дзяржаўная дума Расеі ратыфікавала пагадненьне «Аб парадку фармаваньня і функцыянаваньня сіл арганізацыі дамовы аб калектыўнай бясьпецы».
Цэнтральны суд Менску арыштаваў на 9 сутак праваабаронцу Алега Воўчака. Яго затрымалі сёньня і абвінавацілі ў тым, што ён нібыта нецэнзурна лаяўся.
Казначэйства ЗША падазрае два беларускія банкі ў адмываньні грошай. У сёньняшняй заяве амэрыканскага фінансавага ведамства «Трастбанк» і «Крэдэксбанк» былі ўключаныя ў сэкцыю 311 Патрыятычнага акту ЗША як установы, якія выклікаюць «першачарговую занепакоенасьць адносна адмываньня грошай». Уключэньне ў гэты сьпіс дае права міністру фінансаў ЗША запатрабаваць ад Белага дому ўвядзеньня санкцый супраць названых установаў. Як камэнтуюць гэта ў Менску?
Прэсавы сакратар Дзяржаўнага памежнага камітэту Беларусі Аляксандар Цішчанка абверг інфармацыю, якая зьявілася ў інтэрнэце пра тое, што на мяжы Беларусі з Расеяй вернуты пашпартны кантроль.
Былы кандыдат на прэзыдэнта Беларусі Дзьмітры Вус паведаміў, што пакуль не атрымліваў позваў з суду па пазове работніка ААТ «Гродна Азот» майстра цэху Аляксея Емяльянчыка.
У Музэі сучаснай беларускай дзяржаўнасьці, які мае адчыніцца ў Менску ў чэрвені, сярод экспанатаў будзе бел-чырвона-белы сьцяг і герб «Пагоня».
18 траўня Віцебскі абласны суд не задаволіў касацыйную скаргу Сяргея Каваленкі на рашэньне Першамайскага райсуду, які прысудзіў актывісту 2 гады і 1 месяц зьняволеньня.
Суд Фрунзенскага раёну Менску асудзіў маладафронтаўца Ўладзімера Яроменка на 7 сутак арышту, Паўла Сяргея — на 5 сутак.
