Актывіст Маладога фронту Мікола Дземідзенка вяртаўся з паліклінікі дадому. У раёне Уманскай вуліцы ў Менску яго спынілі міліцыянты.
Паводле зьвестак з «Газпраму», расейскі манапаліст паставіць у будучым годзе ў Беларусь 23 мільярды кубамэтраў газу па цане 167,9 даляра за тысячу кубамэтраў, што на даляр даражэй, чым сёлета. Як гэта адаб’ецца на беларускай эканоміцы?
18 сьнежня інспэктар крымінальна-выканаўчай іспэкцыі Віцебску, дзе пастаўлены на прафіляктычны ўлік былы палітвязень Сяргей Каваленка, выклікала яго «на гутарку» — 19 сьнежня а 17-й гадзіне.
18 сьнежня да актывісткі Маладога фронту Касі Галіцкай прыйшлі міліцыянты. Яны ўзялі ў яе падпіску аб папярэджаньні, што 19 сьнежня нельга ўдзельнічаць ў акцыях, прымеркаваных да другой гадавіны Плошчы.
18 сьнежня Ленінскі раённы суд Магілёва адмовіў актывісту аргкамітэту стварэньня партыі БХД Алегу Аксёнаву ў скарзе на супрацоўнікаў магілёўскай ўправы КДБ, якія вырашылі паставіць актывіста на прафіляктычны ўлік у КДБ.
На 17 сьнежня не задаволеная ніводная заяўка на правядзеньне 19 сьнежня ў розных гарадах краіны пікетаў пад агульным лёзунгам «Скаралі выбары, каб прадаваць краіну».
У Берасьцейскім раённым судзе пачаўся працэс над актывістам руху «За свабоду» Віталём Каўшом, якога абвінавачваюць у спрыяньні нелегальнай міграцыі.
Наста Палажанка, нявеста палітвязьня Зьмітра Дашкевіча, расказала «Свабодзе», што Зьмітра ў гарадзенскай турме нядаўна наведаў адвакат.