14 студзеня ў Вярхоўным судзе пачынаецца працэс над былым намесьнікам міністра ўнутраных спраў Яўгенам Полуднем. Судзіць палкоўніка міліцыі будуць пры зачыненых дзьвярах у будынку вайсковага суду на Рагачоўскай вуліцы.
Актывіст анархісцкага руху Аляксандар Францеківіч супакоіў маці паштоўкай, напісанай з атраду калёніі.
У 2013 годзе ў Мікалая Аўтуховіча мусіць быць два кароткатэрміновыя спатканьні з сваякамі.
Алесь Бяляцкі працягвае актыўнае ліставаньне з калегамі-праваабаронцамі, а таксама зь людзьмі, разам зь якімі ён працуе над літаратурнымі праектамі нават з калёніі.
Марына Лобава паведаміла, што 11 студзеня ёй з калёніі патэлефанаваў сын, палітвязень Эдуард Лобаў. Ён перадаў маці, што яго могуць пакараць пазбаўленьнем кароткатэрміновага спатканьня, якое яны плянавалі на люты.
Першага намесьніка начальніка Івацэвіцкага РАУС затрымалі нецьвярозым за рулём. Міліцыянту пагражае звальненьне з органаў, але мясцовыя актывісты не выключаюць, што ягоныя калегі паспрабуюць замяць справу.
Міліцыя ўзмацніла барацьбу з самагоншчыкамі, рэагуючы на сыгналы грамадзянаў пра схаваныя пункты вырабу самаробнага алькаголю. Ці ўдасца перамагчы трывалую тэндэнцыю на павелічэньне вырабу самагонкі, калі цэны на гарэлку растуць?
Наш карэспандэнт Алег Грузьдзіловіч пабываў на месцы здарэньня, каб знайсьці адказ на гэтае пытаньне.
Наста Дашкевіч (да шлюбу Палажанка) атрымала першае спатканьне з мужам, палітвязьнем Зьмітром Дашкевічам. Спатканьне адбылося ў першай палове дня 9 студзеня ў Гарадзенскай турме і доўжылася 2 гадзіны.
Якія высновы з гісторыі пра пакараньне за здымак у інтэрнэце павінны зрабіць прадстаўнікі беларукіх мэдый і тыя, хто актыўна карыстаецца інтэрнэтам?